Menejment va marketing fanidan o’quv-uslubiy majmua

2.4. Boshqaruv tuzilishini qayta tashkil qilish usullari, shakllari va yo'llari.
G'arb adabiyotlarida “strukturani takomillashtirish” iborasi umuman qo'llanilmaydi. Uning o'rniga:
- “strukturaga o'zgartirish” kiritish;
- strukturani almashtirish;
- strukturani tanlash;
- strukturani integratsiyalash kabi iboralar ishlatiladi.
Strukturaga o'zgartirish kiritish va uni almashtirish - bu jahon amaliyotidagi doimiy jarayon bo'lib, har qanday tashkilotda menejer faoliyatini ifodalovchi asosiy ko'rsatkichlardan hisoblanadi. Bunday o'zgarishlarning bosh omili - bu ilmiy-texnika taraqqiyoti va kuchli raqobatdir. AQSH firmalarida, Farbiy Yevropa va rivojlangan Sharq davlatlarida boshqaruv strukturasi o'rtacha har 3-5 yilda almashtirilib turiladi.
Boshqaruv strukturasini takomillashtirish yo'llari quyidagilar:
1. Amaldagi struk­turani soddalashtirish usuli.
2. Mexanik tarzda tashkil etilgan strukturani ko'nikma hosil qilingan struktura bilan almashti­rish.
3. Mexanik tarzda tashkil etilgan struktura ichida turli shakllardagi uzviy strukturani tashkil qilish.
4. Konglomerat, modulli va "atomistik" strukturani barpo etish.
"Konglomerat" - bu turli strukturalarni birgalikda qo'shib olib borilishini anglatadi. Bunday strukturani yirik korporatsiyalarda, ya'ni chiziqli, funksional, dasturli maqsadli strukturalarning birgalikda amal qilishida ko'rishimiz mumkin.
Axborot inqilobi byurokratiyaga bolta uruvchi modulli strukturaning, to'g'ridan-to'g'ri ma'muriy buysunuvchanlikka chek qo'yuvchi "atomistik" strukturalarning tashkil topishini taqozo etadi
Nazorat va muhokama uchun savollar.
1. Boshqarishning iqtisodiy funksiyalari.
2. Asosiy ishlab chiqarishni boshqarish.
3. Innovatsiyani boshqarish va uning afzalliklari.
4. Marketingni boshqarish usullari.
5. Boshqarishning sotsial funksiyalari.
6. Moliyaviy boshqarish va uning xususiyatlari.
7. Mehnat va sifatni boshqarish.
8. Xodimlarni boshqarishda motivatsiyaning ta’siri.
9. Qo'shimcha ishlab chiqarishni boshqarish.
10. Boshqarishning ma'naviy-ma'rifiy funksiyalari.