"menejment va iqtisodiyot"

8.1. Boshqaruv usullari to`g’risida tushuncha. 
Usul  –  bu  tadqiqot  qilish  yoki  ta’sir  ko’rsatish  yo’li.  Tadqiqot  qilish  nuqtai 
nazaridan  usul  deganda  boshqaruv  ob’yektini  o’rganish  jarayonida  qo’llaniladigan 
usullar,  ya’ni tahlilning  ilmiy  usullari  tushuniladi
. 
Ta’sir  ko’rsatish  nuqtai  nazaridan  usul  deganda  boshqarish  funktsiyalarini 
amalga  oshirish  uchun  boshqaruv  ob’yektiga  ta’sir  o’tkazish  usullari  tushuniladi. 
Bunday usullarga  quyidagilar  kiradi: 
  funktsional  tizimosti  ob’yektlarini  boshqarish usuli; 
  boshqarish funktsiyalarini  bajarish  usullari; 
  boshqaruv qarorlarini  qabul qilish  usullari. 
Boshqaruv  jarayonida  ko`pgina  turli  xil  usullar,  yondashuvlar  va  uslublar 
qo`llaniladi.  Ular  menejment  funktsiyalarini,  qaror  qabul  qilish  uchun  zarur 
bo`lgan  bosqichlar,  protseduralar  va  operatsiyalarni  bajarishni  tartibga  solish, 
maqsadga  yo’naltirish  va  samarali  tashkil  qilish  imkoniyatlarini  beradi.  Har  xil 
yondashuvlar,  yo`sinlar,  yo’llar  yordamida  amalga  oshiriladigan  turli-tuman 
boshqaruv  ishlarining  majmui  –  boshqaruvning  aniq  va  o’ziga  xos  usullari  deb 
yuritiladi.