"menejment va iqtisodiyot"

7.3.  Boshqaruv tashkiliy tarkiblarini takomillashtirish. 
 
Har  qanday  struktura  uchun  yuqori  rahbariyat  tushunchasi  bir  xil,  unga 
quyidagilar  xos:  tashkilotning  birinchi  rahbari,  uning  muovini  va  bosh 
bo`limlarining  rahbarlari.  Birinchi  rahbar  va  uning  muovinlari  ko`pincha  yuqori 
rahbariyat  komandasi  deb  ataladi.  Bosh  bo`lim  rahbarlari  va  birinchi  rahbarning 
muovinlari  asosiy  personal  komandasiga  kiradi.  Birinchi  rahbar  yuqori  rahbariyat 
komandasi bo`ladi. 
Aytilgan  har  bir  pog’onaning  tuzilmaviy  tashkil    etilishi  turli  xil    omillardan 
bog’liq: 

  birinchi  rahbarning  boshqarish uslubi; 

  boshqaruv tashkiliy   tuzilmasining  turi; 

  asosiy personal komandasi a`zolarining  shaxsiy va professional xususiyatlari. 
Birinchi  rahbar  qanchalik  malakali  bo`lsa,  shunchalik  u  malakali  muovinlarni 
tanlaydi.  Asosiy  personal  komandasining  faollik  darajasi  strategik  muhim  bo`lgan 
qarorlarni  qabul  qilishda  qatnashishiga  bog’liq  yoki  bu  birinchi  rahbarning  asosiy 
personal  komandasiga  o`z  vakolatining  qancha  qismini  ajratganiga  va  guruhdagi 
odamlarning  o`z  maqsadlarini  tashkilot  maqsadlari  bilan  bog’lashlariga  asoslanadi. 
Bu  turdagi  jarayon  birinchi  rahbarning  kollegial  usulda  boshqarishiga  xosdir.  Agar 
birinchi  rahbar  avtoritar  uslubda  boshqarsa,  unda  asosiy  muammolarni  faqat  o`zi 
hal qiladi  va hattoki  boshqa guruhdagilarga  ham  axborot berib o`tirmaydi. 
Menejmentning  tashkiliy  tuzilmalari  to`g’risida  yakuniy  xulosa  chiqarish 
uchun  quyidagilarga  alohida  e`tibor  berilishi  lozim  deb  hisoblaymiz.  Ko`rib 
chiqilgan  tashkiliy  tuzilmalaridan    birortasini  ham  rasmiy  tuzilma  deb  bo`lmaydi.