Меnejment

Раҳбар обрўсига путур етказувчн унсурлар Т/р Салбий унсурлар Изоҳ 1. Бюрократизм Бюрократ: ишлаб чиқилган қоида, қўлланмалар доирасидан чиқмайди, уни ўзининг бирдан-бир мақсади деб билади; одамларга тўраларча муносабатда бўлади; қоғозбозликни авж олдиради; бошқаришга қотиб қолган, эски усуллар билан ёндошади; иш моҳиятини расмиятчилик билан кўмиб ташлайди; масалани ҳал этишдан, шахсий жавобгарликдан ўзини четга олади. Бюрократизм: жамоанинг ва шахснинг ташаббускорлигини, дадил фикрларини бўғади; ўз мезонига мос кадрларни атрофига тўплайди, ақлли, қобилиятли кадрлардан қутулишга ҳаракат қилади. 2. Маҳаллийчилик Бундай “дардга” мубтало бўлган раҳбарлар: ишга тор тармоқ, тор функционал нуқтаи назардан ёндошадилар; уларда сиёсий, маънавий етуклик етишмайди; узоқни кўра олмайдилар; бошқалар ҳисобидан фойдаланиб қолишга интиладилар; уруғчилик, таниш-билишлик, ошна-оғайнигарчиликка йўл қўядилар. 3. Ҳадиксирашлик Бундай раҳбар: • унча мураккаб бўлмаган масалаларни ҳам мустақил ҳал эта олмайди, юқори турувчи раҳбарлик билан келишиб олишга интилади; • ҳар ишда сусткашлик қилади; • кабинетда ўралашиб, қоғозбозлик билан банд бўлади. 4. Баландпарвозлик Бундай раҳбар: • ўзининг кичкина, кўзга илғамас муваффақиятини бўрттириб кўрсатади, шов-шув кўтариб ноғора қилади; • юқори органлардан мақтов эшитишни ёқтиради; • тилга тушишни, матбуотда ёзишларини, телевизордан кўринишни истайди; • сохта ташаббуслар атрофида шов-шув кўтаришга, ижодий изланиш ўрнига ишни хўжакўрсинга ташкил этишга интилади; • ишчанлик ўрнига кўзбўямачилик ва қўшиб ёзиш билан шуғулланади. Бундай тоифадаги раҳбарлар учун камчилик ва муаммоларни хаспўшлаш, ўз хизматларини бўрттириб кўрсатиш ва ўз-ўзини мақташ характерлидир. 5. Бошқа салбий қусурлар Раҳбарлик услубидаги гарчи кам бўлса-да, ҳар ҳолда учраб турадиган ва умумий ишга зарар келтирадиган бошқа салбий томонлар ҳам борки, булар: • худбинлик; • такаббурлик; • мақтанчоқлик; • тамагирлик; • ёвузлик, золимлик; • ҳушомадгўйлик; • димоғдорлик; • хасислик, ғаразгуйлик; • айёрлик; • жиззакилик; • боқибеғамлик; • баднафслик; • субутсизлик; • бахиллик; • мансабпарастлик ва ҳ.к. Бундай салбий қусурлар мавжудлигини англасак, кўрсак ҳам лекин кўпинча уларни йўқотиш қийин кечади. Чунки ҳар қандай кишига, хусусан раҳбарга унинг мазкур фазилати ёки унинг иш услубидаги нотўғрилик айтилса, табиий у норози бўлади. Шу сабабли бундай нуқсонларни бартараф қилиш учун кураш жуда ҳам осон ва силлиқ ўтмайди. Бунинг учун кундалик меҳнат, изчиллик ва сабот-матонат талаб қилинади.