Менежмент. Маркетинг

Menejerning ish vaqtini rejalashtirish

Korxona maqsadlariga erishish uchun qabul qilingan qarorlarning samaradorligi menejerning yuqorida sanab o‘tilgan ishbilarmonlik sifatlariga va menejerning o‘z ixtiyoridagi ish vaqtidan qanday to‘g‘ri . foydalanishiga bog‘liq bo‘ladi. Vaqtdan oqilona foydalanish uchun uni maqsadga muvofiq rejalashtirish lozim. Rejalashtirish mavjud vaqtdan samarali va muvaffaqiyatli faoliyat (maksimal mezon) olib borishni ta’minlash yoki oldinga qo‘yilgan maqsadga iloji boricha kam vaqt sarflari (minimal mezon) bilan erishishga undaydi.

Menejer o‘z vaqtini qanchalik oqilona taqsimlasa o‘zining kasbiy mf shaxsiy manfaatlari uchun undan shuncha samarali foydalanadi. Rejalashtirish menejmentning qoida va vazifalarining tarkibiy qismi sifatida maqsadlarni amalga oshirishga tayyorgarlik vaqtini strukturalashtirish (tartiblashtirish)ni anglatadi. Ishni rejalashtirish orqali erishilgan bosh ustuvorlik shundan iboratki, bunda vaqtni oqilona rejalashtirish vaqtdan yutishga olib keladi. L.Zayvertning fikricha, kimda-kim 10 minut davomida o‘zining ish kunini doimiy ravishda rejalashtirsa, har kuni 2 soat vaqtini tejashi, shuningdek muhim vazifalardan ishonchli va yuqori darajada foydalanilishi mumkin. Ushbu mulohaza har qanday menejer uchun ham muhim qoida hisoblanadi.

Ish vaqtini rejalashtirishning ko‘pgina usullari mavjud bo‘lib, ulardan eng samaralisi – «Alp»lar usulidir.