Менежмент. Маркетинг

Boshqaruv yechimi.

Farmatsevtik kompaniyalar duch kelgan etik dilemmaning aniq bir to‘g‘ri (yoki noto‘g‘ri) yechimi, mavjud emasdek, tuyulmoqda. Intellektual mulk (dori vositalariga patentlar) xuquqini ximoya qilish – ularning qonuniy xuquqidir, shuningdek, xodimlar, aktsiyadorlar va xaridorlar oldidagi majburiyatidir. Etikaga bo‘lgan utilitar yondashuvga amal qiluvchi menejerlar patentlarni ximoya qilish maksimal odam soniga eng ko‘p naf keltiradi, chunki ularda qayd etilgan yechimlar asosida kompaniyalar yangi dorilarni ishlab chiqadilar, deb aytadilar. Lekin adolat konsepsiyasining tarafdorlari bunday yondashuvni dunyoning qashshoq mamlakatlaridagi OITSning qurbonlariga nisbatan adolatsiz, deb aytishlari mumkin. Aytish lozim-ki, ko‘pgina farmatsevtik kompaniyalar ommaviy axborot vositalarining salbiy materiallariga javoban rivojlanayotgan mamlakatlardagi OITS bilan kasallanganlar uchun dorilar narxini pasaytirmoqda. Masalan, Mersk kompaniyasining axborotiga ko‘ra, u bunday dorilarni rivojlanayotgan mamlakatlarga yetkazib berganda atayin foyda miqdorini qo‘ymagan. “CHegarasiz vrachlar” jamoat tashkilotining raxbariyati bu qarorni ma’qulladi, lekin, OITS bilan kasallangan ko‘pchilik kasallar uchun kerakli dori vositalari narxlari baribir o‘ta yuqoriligini ta’kidladi. Jamoatchilikning ko‘pchilik vakillari shuni xoxlaydi-ki, farmatsevtik kompaniyalar o‘ziga qo‘shimcha mas’uliyat olsin va, shunday yo‘l tutsin-ki, OITSga qarshi dori vositalari ularga muxtoj bo‘lgan barcha uchun arzon narxda bo‘lsin⁹.