Менежмент. Маркетинг

INTERFASE INS KOMPANIYASI

HTTP://WWW.INTERFASEINS. SOM

Rey Anderson umrining katta qismida ona-Erning tabiiy resurslarini ishlatish bilan mashg‘ul bo‘ldi. Atlantadagi Interfase Ins kompaniyasida 7300 nafar kishi ishlaydi, bu kompaniya neft maxsulotlaridan to‘qilma materiallar tayyorlaydi. Neft yer qa’rida million yillar davomida shakllanadi, u qayta tiklanmaydigan resurs xisoblanadi. Neftdan ishlab chiqarilgan gilamli qoplamalar umrbod ishlatilsa bo‘lardi, lekin ularning aksariyati chamasi o‘n yil o‘tgach o‘z “xayoti”ni axlatlar uyumida yakunlamoqda. Bir kuni R.Anderson qo‘liga Pol Xoukenning «The esology of Sommerse» (“Tijorat ekologiyasi”) kitobi tushib qoldi va xammasi o‘zgardi. Avloddan-avlodga odamlar organizmida zararli moddalar to‘planayotganligi va tabiiy resurslar qanday tezlik bilan tugatilayotganligi xaqida o‘qir ekan, R.Anderson o‘z nabirasi xaqida o‘ylardi va sanoat kapitalizmining kapitani ko‘ziga yosh kelardi. O‘shandan beri R.Anderson atrof-muxitning xaqiqiy ximoyachisi bo‘lib qoldi, shu darajada-ki, xattoki uning faoliyati ko‘lami oldida “Grinpis” faollarining ishlari xijolat. Menejer uzluksiz to‘ldirib borish konsepsiyasini taklif etdi, bu konsepsiyada tabiatga taqlid qilinadi (tabiatda xar qanday chiqindi kimningdir ovqatiga aylanadi). Interfase oldiga quyidagi maqsad qo‘yilgan: foyda olishni esdan chiqarmagan xolda chiqindilarni va neft iste’molini nolga intiltirish. R.Andersonga (gilamli qoplamalar va tijorat binolarining ichki devorlari uchun materiallar yirik ishlab chiqaruvchisi bo‘lgan) kompaniyaning boshqa direktorlarini Interfase sayyoramizni qutqarishi mumkinligi va bunda foyda xam ko‘rishi mumkinligiga ishontirish uchun bir yil kerak bo‘ldi. Bugungi kunda uzluksiz to‘ldirib borish g‘oyasi ishlab chiqarish tsexlaridan tortib ilmiy tekshirish laboratoriyalarigacha,- kompaniyaning barcha bo‘linmalarida joriy etilgan xamda foyda ko‘rsatkichlari bilan bir qatorda xar qanday biznes-qarorlar qabul qilishda xisobga olinadi.

Interfase misolida shuni isbotlash mumkin-ki, kompaniya bir vaqtning o‘zida xam ijtimoiy mas’uliyatli, xam foyda oluvchi kompaniya bo‘lishi mumkin. Bir yil mobaynida uning sotuv xajmi 800 mln $ dan 1 mlrd $ gacha ko‘tarildi. SHu bilan bir vaqtning o‘zida bir $ daromadga to‘g‘ri keluvchi ishlatiladigan xom-ashyo xajmi salkam 20 foizga qisqardi. R.Anderson so‘zi bilan aytganda, bu “200 mln $ ga cho‘ntagimiz kappaydi” demakdir. Kompaniyaning oxirgi innovatsiyasi – “Doimiy yashil ijara” dasturi, bunda uy egalari gilamli qoplamalarni sotib olmaydilar, balki ijaraga oladilar. Interfase o‘zi o‘rnatib beradi, o‘zi xizmat ko‘rsatadi, o‘zi almashtiradi va eskirgan qoplamalarni o‘zi qayta ishlaydi. Eskirgan qoplamalarni qayta ishlash natijasida yangilari tayyorlanadi. YAqin kelajakda kompaniya penoplast asosida ishlab chiqarilgan gilamli qoplamalarni taklif qilmoqchi, ularning ijobiy xislati – axlat uyumiga tashlangach ular ma’lum vaqtdan so‘ng to‘liq chirib ketadi.

Bu ishlarning barchasi nima uchun? Rey Andersonda bunga javob bor: uning nabiralari yashaydigan joy bo‘lishi uchun u dunyoni qutqarmoqchi⁵.