«Менежмент» кафедраси

2. Курс ишларини ёзишга қуйиладиган асосий талаблар
Талаба курс ишини ёзишга киришганда унинг профессионал ва назарий ғоявий даражаси, мазмуни, тузилиши, баён этиш шакли ва материални расмийлаштиришга қўйиладиган асосий талабларни билиб олиши керак.
Курс ишларига қуйидаги талаблар қўйилади:

• 
  йиғилган материалнинг танланган мавзунинг барча масалаларини таҳлил қилиш имконини берадиган етарли даражада тўлиқлиги ва комплекслиги;
  

- материал таҳлилининг иқтисодий жиҳатдан саводли ва етарли даражада чуқур қилинганлиги;
- ишда танланган мавзудаги муаммоларни такомиллаштириш бўйича таклифлар ва хулосаларнинг мавжудлиги;
- ишни тўғри ва тартибли бажаралганлиги.
Тақризчи томонидан ижобий баҳо берилган курс иши ҳимояга қўйилади. Талаба ҳимояга тайёрланиш давомида ишнинг асосий мазмунини билиши, ўз нуқтаи-назарини асослаб бериши, тақризчи ва комиссия аъзоларининг саволларига жавоб бериши керак.
Ҳимоядан сўнг курс ишига 100 баллик баҳолаш кўрсаткичлари ва “аъло”, “яхши”, “қониқарли” деган баҳо қўйилади ва ўқитувчи бу баҳони имтиҳон қайдномаси ва талабанинг рейтинг дафтарчасига қўяди.
Қониқарсиз баҳо қўйилган иш кафедра томонидан белгиланган муддат давомида тўлиқ қайта кўриб чиқилиши керак.
Тартибли ва тўғри расмийлаштирилган, мақсадли йўналишга эга бўлган, ўз ичига амалий натижа ва танланган мавзу муаммоларининг чуқур таҳлилини қамраб олган, талабанинг корхона амалий фаолияти ҳолатини таҳлил қилиш, йиғилган амалий материални тизимлаштириш, мавжуд ижобий ҳолатлар ва камчиликлар тўғрисида хулосалар қилиш борасида илмий гувоҳлик берадиган, назарий жиҳатдан илмий изланиш ва таҳлил элементларини ўз ичига олган ҳамда талабанинг етарли миқдордаги замонавий илмий адабиётларни кўриб чиққанлиги ва улардан фойдалана олиши тўғрисида гувоҳлик берадиган курс ишига “аъло” баҳо қўйилади.
Барча кўрсатилган талаблар бажарилган, бироқ стилистик ёки методик характердаги камчиликлар, етарли даражада асосланмаган хулоса ва таклифлар бўлган, тўғри бажарилган ва тартибли расмийлаштирилган курс ишига “яхши” баҳо қўйилади.
Назарий масалалар етарли даражада тўлиқ кўрсатилмаган, илмий таҳлил элементлари кам акс эттирилган, таҳлил бўш ёки бир томонлама ўтказилган, хулоса ва таклифлар етарли даражада ишончли асосланмаган ва тартибли расмийлаштирилмаган курс ишига “қониқарли” баҳо қўйилади.
Назарий ёки амалий аҳамиятга эга бўлган энг долзарб мавзулар бўйича энг яхши курс ишларини бажарган талабалар илмий конференцияларда иштирок этиш учун таклиф қилинишлари мумкин, уларнинг ишлари талабаларнинг ишлари кўрик-танловларига тақдим этилиши мумкин. Ижобий баҳоланган ва ҳимоя қилинган курс иши кафедра томонидан архивга сақлаш учун топширилади.