Менделеевнинг кимёвий элементлар даврий қонуни

 
- 17 - 
 
    
 
 

---

 
3-3. Атом тузилиши асосида элементларнинг даврий қонуни ва 
жадвали.  Бу борада қуйидаги қоидаларни назарда тутиш керак.
1. Элементнинг тартиб номери атом ядросининг мусбат қийматига ва 
атомдаги барча электронлар сонига тенгдир. 
2. Даврнинг номери эса электронлар тўладиган ( тўлган) қаватлар 
сонига тенг. 
3. Бош (А ) группа номери элемент атомидаги ташқи электрон 
қаватдаги электронлар сонига тенг. 
Атом тузилиши назариясига биноан даврий қонун қуйидагича 
таърифланади: Оддий модда (элемент)ларнинг хоссалари, шунингдек 
элементлар бирикмаларининг шакл ва хоссалари элементларнинг атом 
ядроси зарядига даврий боғлиқдир.
Д.И. Менделеев даврий жадвали элемент атомларидаги энергетик 
поғона ва поғоначаларнинг электронлар билан тўлиш тартибини акс 
эттиради. Навбатдаги электрон қайси поғоначада пайдо бўлишига қараб, 
барча элементлар 4 “оила” га (s, p, d ва f) бўлиниши юқорида айтиб ўтилган. 
Атом тузилиши ҳақидаги ҳозирги замон назариялар асосида даврий 
қонун янада ривожланди ва даврий жадвал эса янгидан-янги элементлар 
билан бойиди ва бойиб бормоқда. Бу назариялар даврий қонуннинг физик 
моҳиятини очиб берди ва даврий жадвалда элементларнинг жойланишини 
тўғри тушинтириб берди. Муболағасиз айтиш мумкинки, даврий қонун ХХ 
аср кимё ва физика фанларидаги буюк кашфиётларнинг манбаи ҳисобланади. 
У кимё фани ва саноатининг ривожланишида муҳим рол ўйнаб келди ва 
келмоқда. 
- 18 - 

---

 
II. Элементларнинг кашф этилишига оид 
 қизиқарли лавҳалар 
1. «Ёнувчан ҳаво» (водород)нинг кашф этилиши 
Инсон кўзига кўринмас газларнинг мавжудлигига кўп асрлар давомида 
эътибор бермай келинган. Кўз билан кўриб, билиб бўладиган ҳамма нарсалар 
каби газлар ҳам моддийдир, уларни билмасдан туриб, ҳар хил ҳодисаларда 
уларнинг иштирок этишини ҳисобга олмасдан уларни олишда содир 
бўладиган кимёвий ходисаларнинг моҳиятини тушиниш мумкин эмас.XVII 
аср кимёгари Ван-Гельмонтнинг фандаги энг мухим хизмати шундаки, у 
кишилик луғатини янги «газ» деган атама билан бойитди. У идишда сақлаб 
бўлмайдиган, кўринмайдиган моддаларни шундай деб атайди. Лекин кўп вақт 
ўтмасдан инглиз физик ва кимёгари Роберт Бойль газларни идишларга йиғиш 
ва шу билан уларни сақлашни топди. 
У темир қириндиси сульфат кислотада эриганида газ ажралиб 
чиқишини аниқлади ва бу газни сув остидаги идишга йиғади. Лекин Бойль бу 
газни табиатини тўлиқ ўрганмасдан уни ҳавога ўхшаш деб ноътўғри хулоса 
чиқаради.
Р. Бойль хатоси тезда тузатилади. Француз кимёгари Николай Лемери 
биринчи марта Бойль томонидан йиғилган газнинг ажойиб хоссаларини 
ўрганиб, бу газни ҳавога ўхшатиш мумкин эмаслигини аниқлади. У Бойль 
тажрибасини такрорлаб, колбадаги сульфат кислота эритмасига темир 
қириндилари солиб кузата бошлайди. Дастлаб темир қириндиси юзасида газ 
пуфакчалари ҳосил бўлади, сўнгра шиддатли равишда газ ажралиб чиқа
- 19 - 

---

бошлайди. «Ҳақиқатда бу газ ҳаво бўлса у ёнишга ёрдам бериши керак» 
деган мулохаза билан Н. Лемери ёниб турган гугуртни колба оғзига тутади. 
Натижада ажралиб чиқаётган буғ бир зумда аланга олиб, шиддатли кучли 
портлаш содир бўлади. Сўнгра аланга ўчади. Агар идишга темир қириндиси 
солишни давом эттириб, чиқаётган буғ яна қайта ёқиб кўрилса у идиш оғзида 
секин аланга бериб ёнади. Н. Лемери бу газга «ёнувчи ҳаво» деб ном беради. 
Эндиги навбат бу номаълум газ қандай газ эканлигини аниқлаш эди. Бу 
газнинг келиб чиқиш сирларини фош қилувчи одам ҳам топилди. Бу 
одамнинг исми Генри Кэвендиш бўлиб, кимёда буюк кашфиётлар қилган ўша 
замоннинг машхур кашфиётчилари сингари кўзга кўринган кимёгар эмас эди. 
1766 йилда Г. Кэвендиш биринчи марта «ёнувчан ҳаво»га бағишланган 
мақоласини эълон қилди. Б
У 
толмас кашфиётчи бошқаларга ҳеч нарса 
қолдиргиси келмай, бу газнинг барча сирларини синчиклаб чуқур ўрганди. 
Натижада, энг енгил газ водородини кашф этди.