Меҳнат таълими ўқитиш методикаси фанидан

Дарс ишланмаларини ишлаб чиқишга қўйилган замонавий талаблар


Амалий машғулотдан кўзланган мақсад:
малака иши мавзусига доир битта дарснинг ишланмаси лойиҳасини яратиш.


Тингловчилар фаолиятини ташкил қилиш бўйича йўл-йўриқлар:
ҳар бир тингловчига мустақил бажариш учун қуйидаги топшириқ берилди:

малака ишинигизга доир битта дарс ишланмасининг лойиҳасини тузинг, уни

ҳимоя қилинг ва у асосида дарс ишланмасини яратинг.


Амалий машғулот учун назарий материал.
Дарс ишланмаси ва унинг тузилмаси.


Дарс ишланмасини яратиш бўйича услубий тавсиялар.


Дарс ишланмаси (режа-конспект) – ўқитувчи учун тузиш мажбурий бўлган ҳужжатдир. Дарс ишланмаси – ўқитувчи ижодкорлигини аниқловчи омил. Дарс режаси – дарсни педагогик, дидактик ва услубий жиҳатдан режалаштирувчи, лойиҳалаштирувчи ҳужжат. У шунчаки раҳбариятга кўрсатиш учун тузилмайди. Уни тузишдан кўзланган асосий мақсад – ўқитувчининг бир соатлик дарсдаги фаолиятини режалаштириш, дарс мазмунини бойитиш, таълим самарадорлигини оширишдан иборат. Дарс ишланмаси ўқитувчининг ижодий меҳнати маҳсули бўлиб, унинг билими ва маҳоратини кўрсатувчи ойнадир. Шу боис, уни тузишда шошма-шошарликка йўл қўймаслик керак. Бир марта маромига етказиб тузилган дарс ишланмаси ўқитувчи учун узоқ йиллар давомида хизмат қилиши мумкин. Бундан дарс ишланмаси – қотиб қолган (догма), деган хулоса келиб чиқмаслиги керак. Дарс ишланмасини йилдан-йилга такомиллаштириб ва мукаммаллаштириб бориш, янги дарс услубларини қўллаш, янги материалларни киритиш билан янгиланиб турилиши лозим.

Янги давлат таълим стандартлари ва ўқув дастурларини жорий этилиши ва таълим жараёнига янги педагогик технологияларнинг, компьютер, янги ахборот технологиялари ва техник воситаларнинг қўлланиши билан дарс ишланмаларига қўйилган талаблар ҳам ўзгариб бормоқда. Дарс ишланмалари учун тайёр қолиплар йўқ. Чунки жонли дарс жараёнини ҳеч қанақа қолипга солиб бўлмайди. У турли хил шароитларда турлича тузилиши мумкин.

Шундай бўлсада, ўқитувчиларга дарс ишланмасини қуйидаги тарх асосида тузишларини тавсия этамиз: