Меҳнат жамоасининг умумий йиғилишида маъқулланган 2018 йил “ ”

МЕҲНАТ ШАРТНОМАСИ. БАНДЛИК КАФОЛАТЛАРИ

1. 
   Томонлар Ўзбекистон Республикасининг “Аҳолини иш билан таъминлаш тўғрисида”ги Қонунига асосан ходимларнинг бандлигини таъминлашга оид тадбирларни амалга оширади.
   

2. 
   Иш берувчи меҳнат шартномасига мувофиқ ходимларни иш билан таъминлайди ва уларга хавфсиз меҳнат шароитини яратиб беради.
   

3.3. Штатлар сонининг қисқаришида ходим камида 2 (икки) ой олдин огоҳлантирилади.

3.4. Агар объектив сабабларга кўра (Меҳнат кодексининг 100-моддаси иккинчи қисмининг 1, 2 ва 6-бандлари ҳамда 106-моддасининг 2-банди) меҳнат шартномасида белгилаб қўйилган меҳнат вазифаси доирасида ишни давом эттириш мумкин бўлмаса, иш берувчи ходимга у ишлаб келган банк филиалида мутахассислиги ва малакасига мувофиқ келадиган ишни (ходим бажараётган ишига ёки эгаллаб турган лавозимига номувофиқ бўлса мутахассислиги бўйича бирмунча кам малака талаб этиладиган бошқа ишни), бундай иш бўлмаган тақдирда эса шу филиалда мавжуд бўлган бошқа ишни таклиф этади (филиал тугатилган ҳолат бундан мустасно). Ходим бошқа ишга ўтишдан бош тортган ёки банкда мувофиқ келадиган иш бўлмаган тақдирда, меҳнат шартномаси умумий асосларда бекор қилиниши мумкин.

3.5. Ходим ва Иш берувчи ўртасидаги меҳнат муносабатлари меҳнат тўғрисидаги қонунлар ҳамда бошқа меъёрий ҳужжатлар (шу жумладан Тармоқ келишуви ва мазкур Шартнома) қоидаларига биноан ёзма равишда тузилган меҳнат шартномаси билан тартибга солинади.

6. 
   Мутахассислиги, малакаси ва меҳнат шартномасига мувофиқ ходимлар тўла-тўкис иш билан таъминланадилар.
   

3.7. Меҳнат шартномасини иш берувчининг ташаббуси билан Касаба уюшмаси қўмитасининг олдиндан розилигини олмай туриб бекор қилинишига йўл қўйилмайди, 3.8. банддаги ҳолатлар бундан мустасно.

3.8. Меҳнат шартномаси:

а) бошқарма ёки филиали тугатилиши муносабати билан;
б) бошқарма бошлиғи ва филиал бошқарувчилари ҳамда бош бухгалтерлари Меҳнат кодекси 100-моддасининг иккинчи қисмида назарда тутилган асослардан бирига кўра;
в) банк бошқаруви йиғилишининг қарорига асосан;
г) банк ички аудит хизмати ходимлари билан тузилган меҳнат шартномаси бекор қилинган тақдирда касаба уюшмаси қўмитасининг розилигини олиш талаб этилмайди.

3.9. Ходимнинг вақтинча бошқа ишга ўтказиш ҳақидаги илтимоси, агар бу илтимос узрли сабаблар туфайли келиб чиққан ва бундай иш Банкда мавжуд бўлса, иш берувчи томонидан қаноатлантирилиши керак.

Ходимнинг ташаббуси билан бошқа ишга ўтказиш муддати ходим ва Иш берувчи ўртасидаги келишувга биноан белгиланади. Бунда меҳнат ҳақи амалда бажарилаётган ишга қараб (ёки аввалги ўртача иш ҳақидан кам бўлмаган миқдорда) тўланади.

3.10.Ходимнинг ташаббуси билан вақтинча бошқа ишга ўтказиш учун узрли сабаблар деб қуйидагилар ҳисобланади:

а) бетоб оила аъзосини парваришлаш зарурияти;
б) ишнинг таълим билан қўшиб олиб борилиши;
в) аввалги иш жойида ходимнинг соғлиғига таҳдид солувчи омилларнинг вужудга келиши.

3.11. Иш ҳажмининг ўзгариши (кўпайиши ёки камайиши) муносабати билан ходимнинг розилигисиз вақтинча бошқа ишга ўтказишга йўл қўйилади.

3.12. Иш берувчининг ташаббуси билан ходимни вақтинча бошқа ишга ўтказиш учун иш ҳажмининг ўзгариши деб қуйидагилар ҳисобланади:

а) бошқа ходим ишда бўлмаган даврида (меҳнат шартномаси бекор қилинганда, ўқув сессияси, меҳнат таътили ва ҳақ тўланмайдиган таътилга кетиши, вақтинчалик меҳнатга қобилиятсизлиги сабабли);
б) бахтсиз ҳодиса, табиий офат ва бошқа фавқулодда ҳодисаларнинг олдини олиш ёки бартараф этиш зарурияти юзага келганда.
Барча ҳолларни жамлаб ҳисоблаганда Иш берувчининг ташаббуси билан ходимни бошқа ишга ўтказиш муддатининг чегараси йил давомида 60 кундан ошмаслиги лозим.

13. 
    Ходим Иш берувчининг ташаббуси билан вақтинча бошқа ишга ўтказилган даврда унга бажараётган ишига қараб, лекин аввалги ўртача иш ҳақидан кам бўлмаган миқдорда иш ҳақи тўланади.
    

13.