Мен ҳам намоз ўҚийман

ҚИРҚ ФАРЗ
Ислом динида бешта фарз бор:
1. Имон
2. Намоз
3. Рўза
4. Закот
5. Ҳаж.
Имонда еттита фарз бор:
1) Аллоҳга;
2) Аллоҳнинг фаришталарига;
3) Аллоҳнинг китобларига;
4) Аллоҳнинг пайғамбарларига;
5) Охират кунига;
6) Тақдирга, яъни яхшилик ҳам, ёмонлик 
ҳам Аллоҳдан эканига;
7) Ўлимдан кейин қайта тирилмоққа ишо-
ниш. 
Таҳоратда тўртта фарз бор:
1. Юзни пешонадан, сочлар чиққан жой-
дан, ияк остигача ва икки қулоқ орасидаги 
қисмини ювиш.
2. Қўлларни тирсаклари билан бирга қў-
шиб ювиш.
3. Бошнинг тўртдан бирига масҳ тортиш.
4. Оёқларни тўпиқлари билан қўшиб ювиш. 
Ғуслда учта фарз бор:
1. Оғизни ғарғара қилиб чайиш.
2. Бурунни ачиштириб чайиш.
3. Баданнинг ҳамма жойини ювиш. 

---

Ўзбекистон мусулмонлари идораси
68
Таяммумда тўртта фарз бор:
1. Ният
2. Пок тупроққа таяммум қилиш
3. Икки қўлни пок тупроққа уриб, юзга су-
риш
4. Қўлларни яна тупроққа уриб, қўлларга 
тирсак билан қўшиб суриш.
Намозда ўн иккита фарз бор:
Олтитаси намоз ташқарисида, олтитаси на-
моз ичида.
Намоз ташқарисидагилар «шарт», ичида-
гилар «рукн» дейилади.
Намознинг олти шарти:
1. Таҳорат бузилган бўлса, таҳорат қилиш, 
жунуб бўлган бўлса, ғусл қилиши.
2. Бадан, кийим ва намоз ўқиладиган жой 
нажосатдан тоза бўлиши.
3. Аврат ёпиқ бўлиши.
4. Қиблага қараб туриш.
5. Ўз вақтида ўқиш.
6. Ўқийдиган намозига ният қилиш. 
Намознинг олти рукни:
1. Ифтитоҳ такбири
2. Қиём
3. Қироат
4. Руку
5. Сажда
6. Қаъда (сўнгги ўтириш).
Қолган фарзлар
* Илм олиш.

---

Мен ҳам намоз ўқийман
69
* Амри маъруф ва наҳий мункар.
* Ҳайз ва нифос илмини билиш.
* Ризқни ҳалол йўл билан топиш.
* Шариатда ҳалол дейилган нарсаларни 
ейиш ва ҳаром дейилган нарсалардан ўзини 
тийиш.