Меҳмонхоналарни бошқаришда инновацион таклиф. Режа

Бошқарувнинг функционал ташкилий тузилмаси.
Функционал бошқариш чизиқли бошқарув тизимида қарорлар қабул қилиш учун зарур бўлган муайян ишларни бажаришга ихтисослашган бўлимлар томонидан амалга оширилади
Ташкилотни бошқаришнинг функционал тузилмаси.
Бунда муайян функцияларни бажариш мутахассислар зиммасига юкланади.
Ташкилотда, қоида тариқасида, бир соҳа мутахассислари таркибий бўлимларга бирлаштирилади, масалан, маркетинг бўлими, қабул қилиш ва жойлаштириш бўлими, режа бўлими ва ҳ.к.
Шундай қилиб, ташкилотни бошқаришнинг умумий вазифалари, ўрта бўғиндан бошлаб, функционал мезонга кўра ажратилади.
Шунинг учун ҳам мазкур тузилма бошқарувнинг функционал тузилмаси деб аталади.
Функционал бошқариш чизиқли бошқариш билан ёнма-ён амал қилади ва бу ижрочилар икки томонга бўйсунишига олиб келади.
Бошқаришнинг барча функцияларини билиши ва бажариши лозим бўлган универсал менежерлар ўрнига ўз соҳасида юқори малакага эга бўлган ва маълум йўналиш (масалан, режалаштириш ва прогноз қилиш) учун жавоб берадиган мутахассислар штати пайдо бўлади. Бошқарув аппаратининг бундай ихтисослашуви меҳмонхона фаолиятининг унумдорлигини оширади.
Чизиқли тузилма сингари, функционал тузилманинг ҳам ўзига хос ижобий томонлари ва камчиликлари бор.
Функционал тузилманинг ижобий томонлари:
1) муайян функцияларнинг бажарилиши учун жавоб берадиган мутахассислар юқори малакага эга бўлади;
2) поғона менежерлари айрим махсус масалаларни ҳал қилишдан озод этилади;
3) ҳодисалар ва жараѐнлар стандартлаштирилади, формаллаштирилади ва дастурлаштирилади;
4) бошқарув функцияларни бажаришдаги такрорланишларга ва параллелизмга чек қўйилади;
5) кенг соҳа мутахассисларига бўлган эҳтиѐж камаяди.
Функционал тузилманинг камчиликлари:
1) функционал бўлимлар ўзига топширилган функцияларни сифатли бажаришдан манфаатдор бўлиб, «бегона» функциялар учун ҳам, бутун корхонанинг умумий фаолияти учун ҳам жавоб бермайди;
2) турли функционал бўлимлар ўртасида муттасил алоқа ўрнатиш қийинлашади;
3) ҳаддан ташқари марказлашиш ҳолатлари вужудга келади;
4) қарорлар қабул қилиш таомиллари узайиб кетади;
5) ташкилий тузилма ўзгаришларга мослашиши анча қийин кечади.