Ámeliy jumıs 14 Issılıq balansın esaplaw

Ámeliy jumıs - 14 Issılıq balansın esaplaw

Sabaqtıń maqseti: Isıtılmaytuǵın imaratlarda hawanıń temperaturasın hám salıstırma ıǵallıǵın belgili dárejede saqlaw ushın zárúr bolǵan ıssılıq muǵdarın anıqlaw.

Sabaqqa kerekli kórgizbeli qurallar. Haywanlar tárepinen 1 saatta ajıratılıp atırǵan ıssılıq muǵdarı kórsetilgen keste, hár túrli basım hám temperaturada hawanıń kólem awırlıǵı hám tosıqlardıń ıssılıq ótkiziwsheńlik koefficenti kestesi, ıǵallıq boyınsha jasalma ventilyaciyanı esaplaw haqqındaǵı mısaldıń bazı nátiyjeleri zárúr.

Sabaqtıń mazmunı: Malxanalarda normal temperatura hám ıǵallıq rejimin saqlaw ushın ıssılıq balansı ısıtılmaytuǵın malxanalar ushın qıs máwsiminde tómendegi formula boyınsha esaplanadı:

Qj = dt x (L x 0,24 +  K F ) + W_b

Qj - malxanadaǵı jámi haywanlar tárepinen 1 saatta ajıratılıp atırǵan erkin ıssılıq muǵdarı kkal/s. Haywanlardıń tiri massası hám ónimdarlıǵı boyınsha kesteden tabıladı. (9 keste)

dt = ishki hám sırtqı temperaturalar parqı.

L = 1 saatta almasatuǵın ventilyaciya hawasınıń muǵdarı, kg

0,24 = 1 kg hawanı 1⁰S qa ısıtıw ushın sarplanatuǵın ıssılıq, kkal

F = Tosıqlardıń beti, m²

K = Tosıqlardıń ıssılıq ótkiziwsheńlik koefficenti, qurılıs materiallarınıń túrine qarap (110 - 111 betlar, 10 - 11 keste) alınadı.

 = Tosıqlardıń ulıwma ıssılıq ótkiziwsheńligi, bahası K x F ge teń

W_b =Poldan kóterilip atırǵan qosımsha ıǵallıqtı ısıtıw ushın sarplanatuǵın ıssılıq muǵdarı, kkal.1gr. ıǵallıqtı 1⁰S qa ısıtıw ushın 0,595 kkal ıssılıq sarplanadı.