Melioratsiya sohasidagi tadbirlarning loyihalarini, shuning

Yong‘in xavfsizligi

Dala sharoitida ham meliorativ texnikalarni ta’mirlashga to‘g‘ri keladi. Bunday holatlarda mahsus tayyorlangan maydonchalarda va hududdagi mavjud binolar va bostirmalardan foydalaniladi. Bunda joy avvalo tayyorlanadi, begona predmetlardan tozalanadi. Yong‘in xavfi bor predmetlar yo‘qotiladi, tozalanadi va boshqalar.

Ekskavatorni ta’mirlashda uning strelkasi tushiriladi, kovshi yerga qo‘yiladi. Bunda shpal, yog‘och kartonlar va boshqa shunga o‘xshash jihoz va materiallardan foydalaniladi. Barcha mexanizmlarni yukni ko‘tarib turgan holatida ta’mirlash mumkin emas.

Mexanizmlarni ta’mirlash joylarida metallga ishlov berish, qirqish, payvandlash ishlari bajarilsa oldin metallni yaxshilab moy qotmalari, kraskadan tozalanadi. Moy yuqi metall va idishlarni 15...20% li kaustik tuzning suvdagi eritmasi yordamida yuvish lozim.

Mexanizm shinalarini montaj va demontaj qilishda maxsus maydonchadan foydalanish kerak. Poli toza yoki qoplamali holda bo‘lgan joyda ishni bajarish kerak. Ustaxonalarda barcha talablarga javob bera oladigan ballon yamash joylari tashkil etilishi lozim. U joylardan shinalorni montaj va demontaj qilish moslamalari bilan jihozlanadi. Zamonaviy tashkil etilgan ustaxonalarda kompyuter tashxis, balansirovka qiladigan texnika va vositalar bilan jihozlanadi.