Мелиорация и орошаемое земледелие

Фаннинг мақсади ва вазифалари.

«Ерлар рекультивацияси ва мухофазаси » фанининг асосий мақсади - бўлажак бакалаврларга ерларни рекультивациялашнинг моҳияти, рекультивация қилинадиган майдонлар, рекультивация босқичлари, тупроқ, шамол ва сув эрозиялари, уларга қарши кураш чора-тадбирлари, сел ва кўчки уларнинг зарарли оқибатлари, уларга қарши мелиоратив тадбирларни қўллаш, тупроқни ифлослантирувчи манбалар, тупроқларни ифлосланишидан ҳимоялаш йўллари, қайирлар ва сув босадиган паст текисликларни мелиорациялаш, оқава сувлар уларнинг ҳусусиятлари, оқава сувларни суғоришга қўллаш усуллари, шўртоб ва шўртобсимон тупроқларни кимёвий мелиорациялаш бўйича тушунчаларни етказиб беришдан иборатдир.

Фаннинг мақсади ва вазифалари.

«Ерлар рекультивацияси ва мухофазаси» фанининг вазифаси бакалаврларнинг малакавий фаолияти объектлари турлари (бошқарув, илмий, лойиҳа-қидирув ва таълим), унинг тайёргарлигига малакавий талаблар ва келажакда магистратуранинг қандай мутахассисликларида таълим олишни давом эттириши мумкинлигидан келиб чиқиб, Ўзбекистонда суғорма деҳқончилик, тупроқ шўрланишининг асосий сабаблари, шўрланишнинг турлари ва шўрланишга қарши кураш тадбирлари, ерларни рекультивациялаш ва муҳофазалаш асослари бўйича кўникма ва малакаларни шакллантириш, ҳамда уларнинг барчасини Республикамиз қишлоқ ва сув хўжалигидаги ислоҳотларга боғланган равишда етказиб беришдан иборатдир.
Ўзбекистон Республикасининг ер фонди 44,74 млн. гектарга тенг бўлиб, ер фондининг ер тоифалари бўйича тақсимланиши ерларнинг табиий ва иқтисодий шароити, ерларнинг таркиби ва сифати билан ўзаро боғлиқдир.
Ерларни миқдорий ва сифат жиҳатидан қуйидагича тоифалаш мумкин:
1. Қишлоқ хўжалик ерларида (29,6 млн.га, 66,2%).
2. Аҳоли пунктлари ерлари (0,5%).
3. Саноат транспорт, алоқа, мудофаа ва бошқа мақсадларга мўлжалланган ерлар (4,1%).
4. Табиатни муҳофаза қилиш, соғломлаштириш, рекреацион ва тарих-маданият мақсадида мўлжалланган ерлар (0,1%).