Международный научно-образовательный электронный журнал

ФИО автора: 
Bahodirova Shahnozabonu Dilshod qizi
Nizomiy nomidagi Toshkent davlat pedagogika universiteti, Chet tillar fakulteti, 
Xorijiy til va adabiyoti yo’nalishi talabasi 
Название публикации:
«BRITANIYA AN'ANAVIY TO'Y MAROSIMLARI 
HAQIDA» 
Annotatsiya: 
Bu maqola Buyuk Britaniya an'anaviy to'y marosimlari va ularning 
o'tkazilish tartibiga bag'ishlanadi. 
Kalit so’zlar: 
turmush qurish, unashtiruv marosimi, taklifnoma tarqatish, to'y 
taomlari, to'y libosi.
Kirish
. Bilamizki, har bir xalq o'zining milliy urf-odatlari va ushbu xalqning naqadar 
qadimiyligini, madaniyatining naqadar boyligini ifoda etuvchi o'zining marosimlariga 
ega. Har bir xalqning an'anaviy to'y marosimlari ham ushbu xalq madaniyatining 
muhim bo'lagi hisoblanadi va ushbu xalqning urf-odatlarini, kelib chiqish tarixini 
o'zida jamlaydi. Oila qurishdek muhim vazifani o'zida aks ettiruvchi Britaniya 
an'anaviy to'y marosimlarining tarixi ham uzoq o'tmishga borib taqaladi. Britaniya 
an'anaviy to'y marosimlaridagi har bir urf-odat to'yga o'zgacha chiroy, joziba 
bag'ishlaydi. Britaniyalik olimlarning fikricha, ushbu xalq to'ylaridagi ayrim urf-
odatlar o'zining bir necha ming yillik tarixiga ega. Ammo ayrimlariga esa zamonning 
ta'siri bilan o'zgartirishlar kiritilgan, ayrimlari odamlar o'zlari tomonidan o'ylab 
topilgan.
Muhim talablar. 
Britaniyalik inglizlarning to'y marosimidagi muhim deb 
hisoblangan talablar quyidagilardan iborat:
- Ikkala tomon ham 16 yosh yoki undan yuqori bo'lishi kerak;
- Turmush qurmagan yoki turmush qurgan bo'lsa, avvalgi oilasidan qonuniy 
ajrashgan bo'lishi; 
- Beva bo'lishi (ya'ni turmush o'rtog'i vafot etgan bo'lishi kerak).
Ushbu va yana boshqa talablarga mos bo'lgan shaxslar qonuniy turmush qurishi 
mumkin hisoblanadi.
Turmush qurishni taklif qilish
. (Propose). Turmush qurishdan avval turmush 
qurish taklif qilinadi. Ularda bu "propose" deb yuritiladi. Odatda bu erkaklar 
tomonidan amalga oshiriladi. Qiz rozi bo'lgandagina bu barchaga ma'lum qilinadi.

---

65