Международный научно-образовательный электронный журнал

Название публикации:
«ТЕРРОРИЗМ – ТАРАҚҚИЁТ ДУШМАНИ ЁХУД 
ЎЗБЕКИСТОН РЕСПУБЛИКАСИДА УШБУ ИЛЛАТЛАРГА ҚАРШИ 
ҚИЛИНАЁТГАН ИСЛОҲОТЛАРДАН БИР ПАРЧА» 
Аннотация.
Терроризм
(лот. terror — қўрқинч, даҳшат) - сиёсий рақибларни, 
мухолифларни йўқотиш ёки қўрқитиш, аҳоли ўртасида ваҳима ва 
тартибсизликлар келтириб чиқариш мақсадидаги зўравонлик ҳаракатлари 
(таʼқиб қилиш, бузиш, гаровга олиш, қотиллик, портлатиш ва бошқалар). 
Терроризм якка тартибдаги ва гуруҳли терроризм (мас., экстремистик сиёсий 
тўдаларнинг ҳаракатлари каби) тоифаларга бўлинади. Сиёсатшуносликда давлат 
терроризми тушунчаси ҳам қўлланади (диктаторлик ва тоталитар режимларнинг 
репрессиялари). Терроризм ўрта асрлардан бошлаб барча минтақа ва 
мамлакатларда учраб турган. Лекин ўтган асрнинг охирларидан унинг янги 
кўринишлари вужудга келди (чет эл давлатлари ва ҳукуматлари раҳбарларини, 
уларнинг дипломатик вакилларини ўлдириш ёки ўғирлаш, элчихоналар, 
миссиялар, халқаро ташкилотларнинг биноларини портлатиш, аеропортлар ва 
вокзалларда портлашлар содир этиш, ҳаво кемаларини олиб қочиш, одамларни 
гаровга олиш ва ҳ.к.). Халқаро терроризм кенг тарқалиб, терроризм ошкора 
сиёсий тус ола бошлади. Террорчилар айрим мамлакатлар ҳукумати ва унга яқин 
тузилмалардан мадад оладиган ҳоллар юзага келди. Улар томонидан содир 
этилаётган жиноятларнинг ижтимоий хавфлилик даражаси ортди. Террорчилар 
қўлига ядровий, кимёвий, биологик қурол тушиб қолиши хавфи кучайди, 
электрон террорчилик пайдо бўлди. Кўп ҳолларда терроризм диний экстремизм, 
наркобизнес, сепаратизм билан боғлиқлиги, чатишиб кетиши кузатила 
бошланди. 
Калит сўзлар: 
терроризм, халқаро тероризм, сиёсий, ижтимоий, миллий, 
худудий-сепаратизм, диверсия, киднеппинг, хайжекинг, скайжекинг, қуролли 
хужум, кибертероризм. 
Терроризм турлари: 

---

439 
Россиялик эксперт В. Постольник (РФ ИИВ Москва институти кафедра 
мудири) – терроризмни кўринишига қараб қуйидагича таснифлайди [6]: 
1. Сиёсий терроризм. 
2. Ижтимоий терроризм. 
3. Миллий терроризм. 
4. Ҳудудий-сепаратистик терроризм. 
5. Дунёқараш терроризми. 
6. Биологик терроризм. 
7. Жиноий терроризм. 
Экспертнинг фикрича, теракт қандай кўринишга эга бўлса, у шундай 
номалангани маъқул. Мисол учун ҳаво кемасида теракт содир бўлдими - демак у 
ҳаво терроризмидир. 
Ана шу фикрга таяниб, В. Постольник террористик ҳарақатларни 
қуйидагиларга ажратади: