Mehnat xavfsizligi standartlari tizimi (mxst)

Umumiy qoidalar
1. Xavfli va zararli omillar bo’yicha me’yorlar va talablarning Davlat standartlari; xavfli va zararli ishlab chiqarish omillarining tavsifini (ko’rinishi, ta’siri, chegaraviy – joiz qiymatlari, ularni nazorat etish usullari), xavfli va zararli xususiyatlarga ega moddalar bilan ishlaganda xavfsizlik talablarini belgilaydi.
Bu tizimga, shuningdek, quyidagi standartlar ham kiradi: portlash xavfsizligi, yong’in va elektr xavfsizligi, titrashga oid va biologik xavfsizlik; shovqin, ultratovush, elektromagnit maydonlaridan himoyalanishga umumiy talablar; ish o’rnidagi yoritilganlik va havo muhitiga talablar.
2. Ishlab chiqarish uskunalarining xavfsizligiga talablar standartlari.
3. Ishlab chiqarish jarayonlarining xavfsizligiga talablar standartlari.
4. Ishlovchilarni himoyalash vositalariga talablar standartlari va bu
vositalarning sinflanish tasnifi.
5. Ishlab chiqarish bino (xonalari) xavfsizligiga talablar standartlari.
O’z MXSTning 5 guruhi nomenklaturasi va darajasini Davarxivqurilish belgilab beradi.
O’zbekiston MXST standartlarining 0, 1, 2, 3, 4 guruhlari davlatlararo standartlar (GOST) va O’zbekiston davlat standarti hisoblanadi (O`z Dst). Asoslab berilgan holatlarda 0, 2, 3, 4 guruh standartlari tarmoq standartlari bo’lishi mumkin (Tst).
Mehnat xavfsizligi bo’yicha korxona standartlari MXSTning tashkiliy qismi (MXST KS) sanaladi.
Korxona standartlariga “0”va “4” taaluqli.
Standartlarning joriy qilinishi va bajarilishini nazorat qilish Gosstandartning organlari tomonidan kasaba uyushmalarining mehnatni texnik nazorat qilish va xalq xo’jaligida ishlar xavfsiz bajarilishini nazorat qiluvchi davlat nazorat organlari bilan birgalikda, shuningdek, vazirliklar, muassasalar, korporatsiyalar, assotsiatsiyalar tomonidan amalga oshiriladi.