Mehnat muxofazasi

7.5. SHovqindan ximoyalanish.

SHovqinga qarshi kurash maqsadida tovush yutadigan hamda o’tkazmaydigan ashyolar va qurilmalardan foydalaniladi. Havo yo’llari bo’ylab tarqaladigan aerodinamik shovqin har hil tuzilishdagi so’ndirgichlar yordamida pasaytiriladi. Naychasimon shovqin so’ndirgichlar kvadrat yoki to’rtburchak kesimli qilib tayyorlanadi, bu so’ndirgichlarning qalinligi 700 mm.ni tashkil etadi. SHovqin so’ndirgichning turi havo sarfiga ruxsat etilgan tezliklarga qarab tanlanadi.

SHovqinga qarshi zichlovchi ashyolar sifatida yumshoq rezinalar, toshpaxta (asbest)dan foydalanishi mumkin.

SHovqinni susaytirish uchun tovushni yutadigan turli ashyolardan foydalaniladi. Tovush quvvatini yutuvchi ashyo va qurilmalar uch guruhga: g’ovakli, rezonans va donali tovush yutkichlarga bo’linadi.

G’ovakli tovush yutqichlarga yog’och tolasidan, mineral paxtadan, shisha toladan qilingan plitalar, tsementli fibralit, ftoroplast, kapron va mineral tolalardan yasalgan to’shaklar, shisha tola kiradi.

Donali tovush yutqichlar ma’lum shakldagi jismlardan iborat bo’lib, ular xonaga bir-biridan 1500-2000 mm oraliqda qo’yiladi. Ular, asosan, g’ovakli ashyolardan tayyorlanadi.

SHovqinni yakka tartibdagi vositalariga quloq taqshlari (vkladishlar), quloq qolpoqlari (naushniklar) va shlemlar kiradi.