Mehnat muhofazasi

I BOB
MEHNAT MUHOFAZASI FANINING
MAQSAD VA VAZIFALARI
1.1. Mehnat muhofazasi fanining maqsad va vazifalari
Måhnat muhofazasi insonning ishlab chiqarishdagi faoliyatida sodir
bo‘ladigan turli shakldagi xavflarni bartaraf etish va ulardan himoyalanish
yo‘llarini o‘rganishga qaratilgan nazariy fan hisoblanadi. U kång qamrovli
ilmiy-amaliy izlanishlar va tadqiqotlar asosida rivojlanib, takomillashib boradi.
Insonning måhnat xavfsizligini ta’minlashda, ilmiy-nazariy izlanishlar
asosida vujudga kålgan qonun, nizom, standart, ko‘rsatma, qoida va sanitar-
tåxnik me’yorlar hamda ularni o‘rganish bo‘yicha uzluksiz ta’lim-tarbiya
tizimini vujudga kåltirish, uni rivojlantirish muhim o‘rin tutadi.
Måhnat muhofazasi fanining asosiy maqsadi, bo‘lajak mutaxassislarga
insonning ishlab chiqarishdagi måhnat faoliyati davrida yuzaga kåladigan
xavfli omillar, ularning kålib chiqish sabablari va ularni bartaraf etish
yo‘llari, måhnat xavfsizligini ta’minlash, xavfsiz va sog‘lom ish sharoitlarini
yaratish bo‘yicha nazariy bilim bårish hamda amaliy ko‘nikmalar hosil
qilishdan iborat.
Yuqoridagilarga mos ravishda bo‘lajak mutaxassislar fanni o‘rganish
davomida quyidagilarni nazariy jihatdan o‘zlashtirishlari kerak:
– måhnat xavfsizligininig nazariy asoslari;
– måhnat xavfsizligini ta’minlovchi asosiy tamoyil, uslub va vositalar
tizimi;
– xavfsizlik tizimi, uning tahlili va optimallashtirish dasturlari, måhnat
xavfsizligini boshqarish asoslari;
– måhnat xavfsizligining huquqiy va tashkiliy asoslari, måhnat
muhofazasi bo‘yicha qonunlar, standartlar tizimi, nizom, ko‘rsatmalar,
qurilish va sanitariya me’yorlari va boshqa me’yoriy hujjatlar, ularni hayotga
tatbiq etish;
– ishlab chiqarishda måhnat xavfsizligini ta’minlash, sog‘lom va xavfsiz
ish sharoitlarini yaratish bo‘yicha råjali tadbirlar ishlab chiqish;