Mehmonxonalarda axborot kommunikatsion tizimlar

4. Axborot texnologiyasi 
Axborot  texnologiyalari,  ayniqsa  telekommunikatsiyalarning  barcha  turlari 
axborot  sanoatini  eng  muhim  tarkibiy  qismlaridir.  Zamonaviy  axborot 
texnologiyasi  kompyuter  texnikasi  va  aloqa  vositalari  sohasidagi  yutuqlariga 
tayanadi.   
Inson  turli  a’zolari  yordamida  axborotlarni  qabul  qiladi,  ongi  bilan  idrok 
etadi,  xotirasida  saqlaydi,  boshqalarga  uzatadi.  Umuman,  insonning  kundalik 
hayoti va faoliyati turli xil axborotlarni to‘plash, qayta ishlash, saqlash va uzatish 
bilan  bog‘liq.  Hozirgi  kunda  axborotni  qayta  ishlovchi  universal  vosita  sifatida 
kompyuterlar  xizmat  qilmoqda.  Ushbu  ishlarni  kompyuterda  amalga  oshirish 
uchun axborot texnologiyalari qo‘llaniladi.