Мазкур ўқув-услубий мажмуа Олий ва ўрта махсус таълим вазирлигининг 019 йил октябрда тасдиқланган ўқув режа ва дастур

 
Хулосалар 
Олий таълим соҳасидаги сифат, унинг қуйидаги функциялари ва фаолият 
турларини қамраб олувчи кўп ўлчамли концепция ҳисобланади: ўқув ва 
академик дастурлар, илмий тадқиқотлар ва стипендиялар, кадрлар билан 
таъминлаш, ўқувчилар, бино, моддий-техникавий асос ва жиҳозлар, жамият 
фаровонлиги йўлидаги ишлар сифат муаммосини ҳал этишда унга таъсир 
этувчи омилларнинг бутун мажмуини уларнинг ўзаро боғлиқлиги ва ўзаро 
ҳаракатида бошқариш лозим, яъни тизимли ёндашишдан фойдаланиши керак.
Яна шуларни таъкидлаш лозимки, таълим сифати ва кадрлар тайёрлашни 
бошқаришда таълим муассасаси ва унинг ўқув-касбий дастурларини 
аккредитация ва аттестациядан ўтказиш муҳим аҳамият касб этади. 
Ривожланган мамлакатларда таълим муассасалари ва унинг дастурини 
аккредитациялаш, унга таълим тизимини ва ўзи хизмат кўрсатиши лозим 
бўлган кенг жамоатчилик ишончининг намойиши ҳисобланади.
Таълим сифатини ошириш – бу, биринчи галда – ўқув ва 
ўқувлаборатория жиҳозларини, кутубхона жамғармасини янгилаш, таълим 
муассасаларини глобал ахборот тармоғи Интернетга боғлаш.
Рақобатбардош мутахассислар тайёрлаш ва рақобатбардош хизмат 
кўрсатишни таъминлаш – таълимнинг асосий мақсади.

---

63 
TQM – оммавий ҳаракат. Бу таълим муассасасининг ҳар бир ходими 
таълимда юқори даражадаги сифатга эришиш фаолиятида иштирок этиши 
лозим деганидир. Ҳар бир ходим, ҳар бир кафедра, ҳар бир факультет, ҳар бир 
ОТМ ўзининг “ички ва ташқи буюртмачи ҳамда етказиб берувчисига” эга. 
Сифатни бошқариш – “буюртмачи”ни рақобатбардош мутахассислар билан 
таъминлаш ва рақобатбардош таълим хизмати кўрсатишини англатади.
Таълим муассасаси фақат раҳбарият ёки бир неча самарали фаолият 
кўрсатаётувчи ходим куч-ғайрати туфайлигина самарали ривожлана олмайди, 
шунинг учун таълим муассасасининг ҳар бир ходими таълим жараёнини 
такомиллаштириш ва “буюртмачи” талабини қондиришга жалб этилган 
бўлиши лозим.