Мазкур таърифда глобаллашув жараёнининг иқтисодий томонларига эътибор берилган

Мазкур таърифда глобаллашув жараёнининг иқтисодий томонларига эътибор берилган. Ўз даврининг етук намоёндаларидан бири бўлган француз файласуфи Рене Декарт глобаллашувга қуйидагича таъриф берган: “Тушунчалар маъносини аниқлаштириш бу инсониятнинг ярмини адашишдан сақлайди”. Айни шу маънода дастлаб биз “глобаллашув” тушунчасининг истилоҳий маъносини изоҳлашга ҳаракат қилинди. Бу сўзга қуйидагича тариф бериш мумкин: Глобаллашув – Халқаро ҳамкорликнинг ривожланиши учун объектив жараён ҳисобланиб, жуда кўп ижобий хусусиятларга эгадир: булар асосан турли мамлакатларнинг ўзаро алоқаси, хорижий сармояларни жалб қилиш, илм – фан техника технология ютуқлари алмашувини тезлашишни ҳамда давлатларни илмий техникавий тараққиётига кўмаклашуви билан тасдиқланади. Глобаллашув — бутунжаҳон иқтисодий, сиёсий, маданий интеграция ва унификация (бир бирга яқинлашув) жараёнидир. Асосий хусусиятлари халқаро меҳнат тақсимоти, капитал, ишчи кучи ва ишлаб чиқариш ресурларининг эркин ҳаракати, қонунчилик, иқтисодий ва технологик жараёнларни стандартлаштириш, шунингдек, турли мамлакатларнинг маданиятининг қўшилиш ва яқинлашувидир. Бу объектив жараён бўлиб жамиятнинг барча соҳаларини қамраб олувчи тизимли хусусиятга эга.4 Шунингдек, глобаллашув яхлит жараёнларни ўз ичига қамраб олади. А.Очилдиевнинг та`кидлашича, “...энг умумий маънода, глобаллашув, бир томондан, муайян ҳодиса, жараённинг барча минтақалар, давлатлар ва бутун эр юзини қамраб олганини, иккинчи томондан, уларнинг инсоният тақдирига даҳлдор эканини англатади”5[2]. В.И.Данилов-Данилъян эса “Глобаллашув ко`проқ мантиқдан эмас, балки тарихий парадигмадан келиб чиққан сўздир. Глобаллашув жиҳатларининг ўзаро алоқадорлигини аниқ ва равшан таҳлили мавжуд эмас”6[3], - деб ёзган эди. Юқоридаги таърифлардан кўринадики, глобаллашув жараёни ўзининг мураккаблиги ва серқирралиги билан алоҳида ажралиб туради. Шунинг учун ҳам С.Отамуратов “...глобаллашув тушунчаси ҳақидаги қарашлар турли-туманлигича давом этиб келмоқда. Бу табиий ҳол. Чунки унинг макон ва замонда содир бўлиш хусусиятлари турлича бўлиб дунёнинг ўзгаришига ўтказаётган таъсирида ҳам янги-янги имкониятлари намоён бўлмоқда”7[4].