Mazkur o’quv-uslubiy majmua orqali talabalar o‘zini-o‘zi mustaqil nazorat qilishi va bilimlarini joriy nazoratdan o‘tkazishda foydalanilishlari mumkin

Takrorlash uchun savollar

1. 
   Tayyor mahsulot deb nimaga aytiladi?
   

1. 
   Tayyor mahsulot qanday baholarda baholanadi?
   

2. 
   Tayyor mahsulotning ombordagi va buxgalteriyadagi hisobi qanday tashkil qilinadi?
   
3. 
   Buxgalteriya hisobida tayyor mahsulotni jo‘natish hamda sotish muomalalari kay
   tartibda aks ettiriladi?
   
4. 
   Mahsulotlarning sotilishi bo‘yicha QQS qay tartibda hisobga olinadi?
   
5. 
   Konsignatsiya muomalalari deganda nimani tushunasiz?
   

1.2.TARQATMA MATERIAL



Ishlab chiqarish jarayonining pirovard mahsuli bo‘lib tayyor mahsulotlar hisoblanadi. Tayyor mahsulotlar– bu mazkur korxonada qaytadan ishlashni talab qilmaydigan, standartlar va texnik shartlarga to‘liq javob beradigan, texnik nazorat bo‘limi (ТNB) yoki maxsus komissiya tomonidan qabul qilingan va korxona omboriga topshirilgan yoki buyurtmachi tomonidan qabul qilingan buyum va mahsulotlardir.
Xo‘jalik yurituvchi subyektda tayyor mahsulot (ish, xizmatlar) tarkibiga quyidagilarni kiritish mumkin:

Tayyor mahsulot (ish, xizmat) vа subyektning o‘zi ishlab chiqargan yarim tayyor mahsulotlar.

Sanoat tarzidagi ish va xizmatlar.

Nosanoat tarzidagi ish va xizmatlar.

Sotib olinadigan buyumlar (butlash uchun sotib olingan buyumlar).

Qurilish, qurilish-montaj, loyiha-qidiruv, geologiya-razvedka, ilmiy-tadqiqot ishlari va шунга o‘xshash ishlar.

Transport tashkilotlarida yuk vа yo‘lovchilarni tashish bo‘yicha xizmatlar.

Yengil avtomobillarning ijarasi vа avtomobillarni yetkazib berish (haydab kelish) xizmatlari.

Transport-ekspeditsiya vа yuklash, tushurish ishlari.

Aloqa korxonalarining xizmatlari va shu kabilar.

Tayyor mahsulotlarni yuklash va sotish hisobi alohida o‘rin tutib, uning vazifalari quyidagilardan iborat:

• 
  Tayyor mahsulotlar ishlab chiqarish, ularning zaxiralari holati hamda omborda saqlanishi, bajarilgan ishlar vа ko‘rsatilgan xizmatlar ustidan uzluksiz nazorat qilish;
  
• 
  Yuklangan va jo‘natilgan mahsulot (ish, xizmat)larni o‘z vaqtida vа to‘g‘ri hujjatlashtirish, xarisdorlar bilan olib boriladigan hisob-kitoblarni aniq tashkil etish;
  
• 
  sotilgan mahsulotlarning hajmi va assortimenti bo‘yicha mol jo‘natish shartnoma rejasining bajarilishi ustidan nazorat qilish;
  
• 
  sotilgan mahsulot uchun olinadigan mablag‘lar summasini, mahsulot ishlab chiqarish uchun ketgan haqiqiy xarajatlarni, foyda summasini o‘z vaqtida va aniq hisoblab chiqish.