Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

15-§. Kuchli ta’sir qiluvchi yoki zaharli moddalarni 
qonunga xilof ravishda muomalaga kiritish 
(JK 251
1
-moddasi) 
Jinoyatning
bevosita obyekti 
kuchli ta’sir qiluvchi yoki zaharli 
moddalar muomalasining normativ hujjatlarda belgilangan tartibiga rioya 
etilishini ta’minlovchi ijtimoiy munosabatlardir. 
Ushbu jinoyatning 
predmeti
giyohvandlik vositasi va psixotrop 
moddalar hisoblanmaydigan, shuningdek, ushbu moddalarni tayyorlash 
yoki qayta ishlashda ishlatilmaydigan kuchli ta’sir qiluvchi va zaharli 
moddalar hisoblanadi. 
(«Kuchli ta’sir qiluvchi moddalar» va «zaharli moddalar» tushuncha-
larining to‘liq tahlili JK 251-moddasida keltirilgan.) 
Kuchli ta’sir qiluvchi va zaharli moddalarni 
tayyorlash va qayta 
ishlab chiqarishga 
mo‘ljallangan 
moslama 
deyilganda, ushbu 
moddalarni tayyorlash, qayta ishlab chiqarish maqsadida foydalanilgan 
asboblar, priborlar, mexanizmlarni tushunish kerak. 
67 

---

JK 251
1
-moddasi 1-qismida
nazarda tutilgan jinoyatning 
obyektiv 
tomoni
giyohvandlik vositalari yoki psixotrop moddalar 
hisoblanmaydigan kuchli ta’sir qiluvchi yoki zaharli moddalarni o‘tkazish 
maqsadida qonunga xilof ravishda tayyorlash, qayta ishlash, olish, saqlash, 
tashish yoki jo‘natish, shuningdek, ularni qonunga xilof ravishda o‘tkazish 
kabi harakatlarda ifodalanadi. 
Ko‘rib chiqilayotgan moddaning dispozitsiyasida nazarda tutilgan 
harakatlar, belgilangan qoidalarni buzib yoki ilmiy, tibbiy va boshqa 
maqsadlarda yuqoridagi moddalarni ishlab chiqishni davlat organlari 
tomonidan beriladigan ruxsatnomasiz amalga oshirish 
g’ayriqonuniy 
hisoblanadi.