Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 291-moddasi 3-qismida
jangovar vaziyatda sodir etilgan qorovul 
xizmatini o‘tash qoidalarining buzilishi uchun javobgarlik nazarda 
tutilgan. 
6-§. Ichki xizmatni o‘tash yoki garnizonda patrullik 
qilish qoidalarini buzish (JK 292-moddasi) 
Jinoyatning
asosiy bevosita obyekti 
– O‘zbekiston Respublikasi 
Qurolli Kuchlari ichki xizmat Nizomi bilan o‘rnatilgan ichki xizmat 
o‘tashning va garnizonda patrullik qilishning tartiblarini ta’minlovchi 
ijtimoiy munosabatlardir. O‘rnatilgan qoidalarni buzish harbiy xizmat-
chilar orasida yoki ular ishtirokida tartibsizliklar paydo bo‘lishi, harbiy 
qismlar va bo‘linmalarning jangovar qobiliyatini pasaytirib, qurol va o‘q-
dorilarning o‘qirlanishiga sharoit yaratadi, harbiy xizmatchilar orasida 
nizomga xilof o‘zaro munosabatlarning va h.k. paydo bo‘lishi xavfini 
tug’diradi. Shu munosabat bilan ko‘rib chiqilayotgan jinoyatning 
qo‘shimcha bevosita obyekti
jamoat tartibini, harbiy mulkning 
saqlanishini va h.k.ni ta’minlovchi ijtimoiy munosabatlardir. 
JK 292-moddasida
nazarda tutilgan jinoyat 
obyektiv tomondan
ichki xizmat ustavi qoidalarini, shuningdek, garnizonda patrullik qilish 
qoidalarini zararli oqibatlar keltirib chiqaradigan tarzda buzishda 
ifodalanadi. 
Ichki xizmat ustavi qoidalari 
O‘zbekiston Respublikasi Qurolli 
Kuchlari ichki xizmati Nizomi bilan belgilanadi, unga muvofiq, ichki 
tartibni, bino va qism (bo‘linma) mulkini qo‘riqlashni ta’minlash uchun 
hamda boshqa ichki xizmat vazifalarini bajarish uchun harbiy 
xizmatchilardan sutkali naryad tayinlanadi (qorovul va soqchilikdan 
tashqari). Qism bo‘yicha navbatchidan, uning yordamchisidan, bo‘linma 
bo‘yicha navbatchidan, kunlik navbatchidan va boshqa harbiy 
xizmatchilardan tarkib topgan bu naryad, ichki tartib-qoidalarining 
323 

---

bajarilishini ta’minlaydi, qismning nazorat-o‘tkazuv punktini boshqaradi, 
shaxsiy tarkibni, qurolni, o‘q-dorilarni, harbiy qism binosi va mulkini 
qo‘riqlaydi hamda ichki xizmat bo‘yicha boshqa vazifalarni bajaradi.