Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 278-moddasi 1-qismi
bilan kvalifikatsiya qilinishi 
uchun qimor va tavakkalchilikka asoslangan boshqa o‘yinlarni tashkil etish 
yoki ularni o‘tkazish 
qonunga xilof 
bo‘lishi lozim.
O‘zbekiston Respublikasi Prezidentining 2007 yil 28 martdagi 
«Qimor o‘yinlarini tashkil etish va o‘tkazish bilan bog’liq g’ayriqonuniy 
faoliyatning oldini olish chora-tadbirlari to‘g’risida»gi qaroriga muvofiq, 
shuningdek, qimor o‘yinlarini tashkil etish va o‘tkazish faoliyatini davlat 
tomonidan tartibga solishni takomillashtirish, g’ayriqonuniy qimor 
o‘yinlarini tashkil etishga hamda ularga o‘smirlar va yoshlarni jalb etishga 
ko‘maklashuvchi shart-sharoitlarga barham berish, qimor biznesining ri-
vojlanishi salbiy oqibatlarining oldini olish, g’ayriqonuniy qimor o‘yinlari 
tashkilotchilari va qatnashchilarining javobgarligini kuchaytirish maq-
sadida O‘zbekiston Respublikasi Vazirlar Mahkamasining «Qimor o‘yin-
larini tashkil etish va o‘tkazishni yanada tartibga solish chora-tadbirlari 
to‘g’risida»gi qarori qabul qilindi va unga ko‘ra 2007 yil 
1 sentyabrdan boshlab O‘zbekiston Respublikasi hududida qimor o‘yin-
larini va tavakkalchilikka asoslangan boshqa o‘yinlarni (shu jumladan 
totalizatorlar) tashkil etish va o‘tkazish (tirajli, bir lahzali va raqamli 
lotereyalardan tashqari) taqiqlandi. 
Ya’ni ko‘rib chiqilayotgan turdagi o‘yinlarni tashkil etish yoki o‘tka-
zishning o‘zi qonunga xilofdir, lotereyalar bundan mustasno. Lotereyalarni 
tashkil etish hamda o‘tkazish ular litsenziyalash tartibini buzish bilan 
bog’liq bo‘lgan hollardagina g’ayriqonuniy bo‘ladi. Qonun hujjatlariga 
binoan ruxsat olish tartibiga rioya qilinishi lozim bo‘lib, bunda birinchi 
navbatda, lotereyalar tashkil etishga litsenziya olish talab qilinadi. 
Ikkinchidan, o‘yinlar o‘tkazishning litsenziyalovchi organ tomonidan 
tasdiqlangan shartlariga rioya qilinishi lozim.