Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 277-moddasi
bilan qo‘shimcha kvalifikatsiya qilishni istisno etadi (masalan, JK 104-
moddasi 2-qismi «e» bandi, 97-moddasi 2-qismi «l» bandi). 
«Sudlar aybdor qasdining mohiyati va u nimaga qaratilganligidan, 
sodir etilgan harakatning motivi, maqsadi va muayyan holatlaridan kelib 
chiqqan holda bezorilikni boshqa jinoyatlardan farqlay olishlari kerak. 
Jumladan, oilada, uyda qarindosh-urug’, tanish-bilishlarga nisbatan sodir 
etilgan haqoratlash, urish-do‘pposlash, badanga yengil shikast yetkazish 
kabi harakatlar, agar ular shaxsiy kelishmovchilik natijasida kelib chiqqan 
bo‘lsa yoxud jabrlanuvchining nojoiz xatti-harakatlari oqibatida sodir 
etilgan bo‘lsa, shaxsga qarshi jinoyat deb baholanishi va JK Maxsus qismi 
tegishli moddalari bilan kvalifikatsiya qilinishi lozim. Basharti, shaxs o‘z 
xatti-harakatlari bilan ayni vaqtda jamoat tartibini buzayotganligini va 
215 

---

jamiyatga nisbatan ochiqdan-ochiq hurmatsizlik qilayotganligini ham 
yaqqol anglagan bo‘lsa, qilmish bezorilik sifatida kvalifikatsiya qilinadi va 
shaxsga qarshi jinoyatlarni nazarda tutuvchi moddalar bilan qo‘shimcha 
kvalifikatsiya qilishni talab etmaydi. 
Bezorilik jinoyati aksariyat hollarda mastlik holatida yoki 
giyohvandlik vositalari, psixotrop yoxud kishining aql-idrokiga ta’sir 
qiluvchi boshqa moddalar ta’siri ostida sodir qilinishini inobatga olgan 
holda, sudlar, alkogolizmga, giyohvandlikka yoki zaharvandlikka 
yo‘liqqan shaxslarga nisbatan, bu haqda ishda tegishli tibbiy xulosa 
mavjud bo‘lganda, tibbiy yo‘sindagi majburlov choralarni qo‘llash 
masalasini hukmda muhokama qilishlari lozim». 
2-§. Qimor va tavakkalchilikka asoslangan boshqa 
o‘yinlarni tashkil etish hamda o‘tkazish 
(JK 278-moddasi) 
«Ko‘rilgan chora-tadbirlarga qaramasdan, milliy urf-odatlarimiz va 
aholining mentalitetiga yot bo‘lgan qimor o‘yinlarini g’ayriqonuniy 
ravishda tashkil etish holatlarining uchrashi davom etmoqda. Huquqni 
muhofaza qilish organlari tomonidan o‘smirlar va yoshlarni jalb etuvchi 
yashirin qimorxonalarni tashkil etish faktlari aniqlanmoqda». 
Bu jinoyatning