Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

tugallangan
deb e’tirof etilishini 
hisobga olib, turli vaqtda sodir etilgan transport hodisalari alohida-alohida 
kvalifikatsiya qilinishi lozim.
Transport vositasi harakati yoki undan foydalanish xavfsizligi 
qoidalarini buzgan, bu hodisa natijasida hayoti xavf ostida qolgan va o‘zini 
o‘zi asrash choralarini ko‘rish imkoniyatidan mahrum bo‘lgan 
jabrlanuvchiga yordam ko‘rsatmagan shaxsning harakatlari jinoyatlar 
majmui bo‘yicha JK 117-moddasining tegishli qismiga binoan 
kvalifikatsiya qilinishi lozim
2
. 
Agar shaxs transport vositasi harakati yoki undan foydalanish 
xavfsizligi qoidalarini buzmagan, lekin jabrlanuvchining hayotini xavf 
ostida qoldirgan, o‘zining haydovchilik vazifalarini bajarmagan va hodisa 
yuz bergan joyni tark etgan yoki hodisa yuz bergan joyda bo‘lgan boshqa 
shaxslar hayoti xavf ostida qolgan va o‘zini o‘zi asrash choralarini ko‘rish 
1
Қаранг: Ўзбекистон Республикаси Олий суди Пленумининг 2015 йил 26 июндаги «Транспорт 
ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд 
амалиётининг айрим масалалари тўғрисида»ги 10-сонли қарори, 11-банд.
2
Ўша жойда. 
151 

---

imkoniyatidan mahrum bo‘lgan jabrlanuvchiga yordam ko‘rsatishiga umid 
qilib, unga yordam ko‘rsatmasdan jo‘nab ketgan bo‘lsa, bu holatlar uni JK 
117-moddasi (Xavf ostida qoldirish)da nazarda tutilgan javobgarlik va 
jazodan ozod qilish uchun asos bo‘lmaydi. 
Transport vositasi harakati yoki undan foydalanish xavfsizligi 
qoidalarini buzishni harbiy mashinalarni boshqarish yoki ulardan 
foydalanish qoidalarini buzishdan farqlash lozim.
Harbiy-maishiy, maxsus yoki transport mashinasini boshqarish yoki 
undan foydalanish qoidalari harbiy xizmatchi tomonidan buzilgan 
taqdirda, qilmish JK 298-moddasiga binoan kvalifikatsiya qilinishi lozim. 
Agar harbiy xizmatchi noharbiy transport vositasi harakati yoki undan 
foydalanish xavfsizligi qoidalarini buzgan bo‘lsa yoki yo‘l-transport 
hodisasi harbiy bo‘lmagan shaxsning harbiy mashinani boshqarish 
chog’ida yo‘l harakati qoidalarini buzishi natijasida yuz bergan bo‘lsa, bu 
qilmish JK 266-moddasiga binoan kvalifikatsiya qilinishi lozim
1
.