Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Obyektiv tomondan
jinoyat temir yo‘l, dengiz, daryo, havo trans-
porti vositalarini, aloqa yo‘llari, ulardagi inshootlar, signalizatsiya 
qurilmalari, aloqa yoki boshqa transport uskunalarini qasddan buzish, 
ularga shikast yetkazish, ularni ko‘zlangan maqsadlarda foydalanish mum-
kin bo‘lmagan, ya’ni ta’mirlab bo‘lmaydigan darajada yaroqsiz holda 
keltirilishi natijasida badanga og’ir yoki o‘rtacha og’ir shikast yetkazishda 
ifodalanadi.
NOTA BENE ! 
Buzish 
deganda, texnik qurilmalarni maqsadli foydalanish imkoniyatini 
qoldirmagan darajada yaroqsiz ahvolga keltirish tushuniladi. Ularni tiklash 
mumkin bo‘lmaydi yoxud tiklash samarasiz bo‘ladi.
NOTA BENE ! 
Shikast yetkazish
deganda, texnik qurilmalar tizimi va shaklidagi 
shunday o‘zgarishlar tushuniladiki, shikast yetkazish oqibatida texnik 
qurilma o‘z vazifalarini bajarish imkoniyatlarini to‘liq yoki qisman 
yo‘qotadi, lekin uni maqsadli foydalanish uchun qayta tiklash mumkin 
bo‘ladi.
NOTA BENE ! 
Boshqa usulda yarog’siz holatga keltirish 
deganda, shunday sharoit-
lar yaratish nazarda tutiladiki, bunda texnik qurilmalar buzilmaydi va 
ularga shikast yetkazilmaydi, ammo qayd etilgan predmetlardan xizmat 
maqsadlarida foydalanish imkoniyati qoldirilmaydi (masalan, aloqa 
yo‘llarida har xil predmetlardan thsiqlar tashkil etish, signalizatsiya 
qurilmalarini almashtirish, signal belgilarini boshqa yerlarga ko‘chirish va 
h.k.).
 
132 

---

Bu qilmish moddiy tarkibli jinoyat bo‘lib, badanga o‘rtacha og’ir 
yoki og’ir shikast yetkazilgan paytdan e’tiboran 
tugallangan
deb 
hisoblanadi. 
Temir yo‘l, dengiz, havo transporti vositalari, aloqa yo‘llari, ulardagi 
inshootlar, signalizatsiya qurilmalari, aloqa yoki boshqa transport 
uskunalarini buzish, ularga shikast yetkazish yoxud ularni foydalanib 
bo‘lmaydigan darajada yaroqsiz holatga keltirish natijasida badanga 
o‘rtacha og’ir yoki og’ir shikast yetkazilmagan bo‘lsa, qilmish mulkni 
qasddan nobud qilish yoki unga zarar yetkazish uchun javobgarlik 
belgilangan JK 173-moddasi bilan kvalifikatsiya qilinadi.