Maxsus qism iqtisodiyot sohasidagi jinoyatlar. Ekologiya sohasidagi jinoyatlar

NOTA BENE ! 
Qimmatbaho toshlarning 
rekuperatsiyasi 
— qayta ishlangan yoki ba’zi 
177 

---

bir sabablarga ko‘ra ekspluatatsiyadan chiqarilgan instrument va texnik 
maqsadlar uchun mo‘ljallangan mahsulotdan qimmatbaho toshlarni 
ajratish, shuningdek, olmos klassifikatori yoki belgilangan texnik shartlar 
asnosida qimmatbaho toshlarning qoldiqlari bo‘lgan chiqindilarni qayta 
ishlab sifat darajasigacha ko‘tarish. 
Tabiiy qimmatbaho toshlarni davlatga majburiy sotish bo‘yicha 
majburiyatlar O‘zbekiston Respublikasi Vazirlar Mahkamasi tomonidan 
belgilanadi. Qazib oluvchi tashkilotlar tabiiy qimmatbaho toshlarni 
saralash va bahosini belgilash, shuningdek, davlat xazinasini davlat 
organlari belgilagan hajmda to‘ldirish maqsadida tabiiy toshlarni davlatga 
sotishning qoidalariga rioya etishga majburdirlar. 
Affinajga topshirish yoki ko‘rsatilgan predmetlarni majburiy sotish 
majburiyatidan bo‘yin tovlash jinoyati, keyinchalik, mustaqil ravishda 
qimmatbaho metallarni affinaj yoki qimmatbaho metallarni qo‘shimcha 
qayta ishlash yoxud qimmatbaho metallar yoki toshlar bilan boshqa 
ishlarni bajarish yoxud qimmatbaho metall va toshlarni topshirishni 
oldindan yashirish kabi qilmishlarni yuzaga keltirishi mumkin. 
Agar qimmatbaho metallarni yoxud qimmatbaho toshlarni topshirish 
qoidasi buzilishi natijasida davlatga ko‘p miqdorda zarar yetkazilsa, bu 
jinoyat tarkibini hosil qiladi. Ko‘p miqdordagi zarar jinoyatning shartli 
belgisidir. 
Moddiy tarkibli sharhlanayotgan jinoyat davlatga 
ko‘p miqdorda 
zarar 
yetkazilgan paytdan boshlab 
tugallangan 
hisoblanadi. 
Subyektiv tomondan 
jinoyat to‘g‘ri qasd bilan amalga oshiriladi. 
Aybdor o‘z qilmishining ijtimoiy xavfliligini anglaydi, davlatga ko‘p 
miqdorda zarar etishini oldindan ko‘ra biladi va buni xohlaydi.