Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Tovarlarni yoki boshqa qimmatliklarni deklaratsiyaga kiritmaslik 
yoxud o‘zgacha nom bilan deklaratsiyaga kiritish deganda, 
shaxslarning chegaradan o‘tkazilishi lozim bo‘lgan kontrabanda 
ashyolarini yoxud tovar yoki boshqa qimmatliklarni deklaratsiya qilish 
tartibini buzishi bilan bog‘liq harakatlari, ya’ni bojxona qonunlari 
tomonidan o‘rnatilgan deklaratsiya qilish shakli va joyi to‘g‘risidagi, uni 
amalga oshirish tartibi to‘g‘risidagi, deklaratsiya va boshqa qo‘shimcha 
hujjatlar taqdim etish muddatlari to‘g‘risidagi talablarga rioya etmaslik, 
shuningdek, O‘zbekiston Respublikasi hududiga olib kirilayotgan yoki 
uning hududidan olib chiqilayotgan kontrabanda ashyolari, tovar yoki 
boshqa qimmatliklarning turi, soni xususida deklaratsiyaga soxta 
ma’lumotlar kiritish tushuniladi
1
. 
JK 182-moddasi 1-qismida 
nazarda tutilgan qilmish uchun jinoiy 
javobgarlik xuddi shunday qilmish uchun ma’muriy jazo qo‘llanilgandan 
so‘ng, bir yil davomida 
ko‘p miqdorda 
sodir etilganda kelib chiqadi. 
Huquqbuzarlik predmeti bo‘lgan tovarlarning qiymati 1998 yil 
1 yanvardan kuchga kirgan O‘zbekiston Respublikasining 1997 yil 
29 avgustda qabul qilingan «Bojxona tarifi haqida»gi Qonuni, shuningdek, 
Bojxona kodeksining 179-moddasi bilan belgilangan tartibda bozor 
bahosidan kelib chiqqan holda aniqlanadi
1
. 
1
Қаранг:
Ўзбекистон Республикаси Олий суди Пленумининг 1996 йил 27 фев- ралдаги «Контрабанда ва 
божхона қонунларини бузиш тўғрисидаги ишлар бўйича суд амалиёти ҳақида»ги 2-сонли қарори (Ўзбекистон 
Республикаси Олий суди Пленумининг 2002 йил 14 июндаги 10-сонли қарорига асосан киритилган ўзгар- 
тириш ва қўшимчалар билан) // Тўплам, 1-жилд. — 43-б.
147 

---

Tovarlar g‘ayriqonuniy ravishda O‘zbekiston Respublikasi bojxona 
chegarasi orqali amalda olib o‘tilgan vaqtdan e’tiboran 
tugallangan 
hisoblanadi. «Ana shunday olib o‘tishga tayyorgarlik ko‘rishga qaratilgan 
harakatlar jinoyatga suiqasd deb tasniflanishi lozim»
1
. Tovarlarni yoki 
boshqa qimmatliklarni bojxona chegarasidan g‘ayriqonuniy olib o‘tganlik 
uchun jinoiy javobgarlik, tovar yoki boshqa qimmatliklarni olib o‘tish 
usulidan qat’i nazar, ko‘p miqdorda sodir etilgan bo‘lsa va aybdor shaxsga 
nisbatan shunday harakatlari uchun ma’muriy choralar qo‘llanilgan bo‘lsa, 
O‘zbekiston Respublikasi bojxona chegarasidan o‘tkazilgandan so‘ng 
qo‘llaniladi. 
«Tovarlarni g‘ayriqonuniy ravishda O‘zbekiston Respublikasining 
bojxona chegarasi orqali olib o‘tish g‘ayriqonuniy ravishda chegaradan 
tashqariga chiqish, O‘zbekiston Respublikasiga kirish yoki belgilangan 
tartiblarni buzib, chegaradan o‘tish bilan bog‘liq bo‘lsa, bunday harakatlar 
O‘zbekiston Respublikasi Jinoyat kodeksining 182-va 223-moddalarida 
ko‘zda tutilgan jinoyatlarning yig‘indisi sifatida tavsiflanishi lozim.