Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 167-moddasi 3-qismining «g» bandi 
hamda JK 209-moddasi 1-qismi 
bilan kvalifikatsiya qilinadi. 
Shuni qayd etish lozimki, guruh tomonidan sodir etilgan talon-toroj 
qilishlarning o‘ziga xos xususiyatlari mavjuddir. Chunki ushbu jinoyat 
maxsus subyekt (mansabdor shaxs yoki mas’ul mansabdor shaxs) 
tomonidan sodir etilishi mumkin, mansabdor hisoblanmaydigan, 
shuningdek, mulk ishonib topshirilmagan yoki ixtiyoriga berilmagan, lekin 
talon-toroj qilishda ishtirok etgan shaxslar 
JK 167-moddasi 3-qismining 
«g» bandi 
(jinoyat mansabdor shaxs tomonidan sodir etilgan yoki 
etilmaganligiga bog‘liq ravishda) JK 28-moddasiga havola etish orqali 
kvalifikatsiya qilinadi. Biroq, mansabdor shaxs (mas’ul mansabdor shaxs) 
tomonidan jinoyat uyushgan guruh tarkibida yoki uning manfaatlari 
yo‘lida sodir etilgan bo‘lsa, mansabdor shaxs (mas’ul mansabdor shaxs) 
bilan birga bunday guruhning barcha ishtirokchilari Jinoyat kodeksining 
ancha og‘irroq javobgarlikni nazarda tutuvchi 
167-moddasi 3-qismining 
«g» bandi 
bilan javobgarlikka tortilishi lozim. Hukmning bayon qismida 
har bir ayblanuvchiga nisbatan barcha moddalar va barcha belgilar 
bo‘yicha qilmish to‘liq kvalifikatsiya qilinishi lozim. 
Agar jinoyat tufayli keltirilgan moddiy zarar to‘liq ravishda qoplansa, 
61 

---

aybdorga nisbatan ozodlikdan mahrum qilish tariqasidagi jazo 
qo‘llanilmaydi 
(JK 167-moddasi 4-qismi)
. 
6-§. Firibgarlik (JK 168-moddasi) 
Jinoyatning 
bevosita obyekti 
— o‘zganing mulki yoki mulkiy 
huquqlarini muhofaza qilishga qaratilgan ijtimoiy munosabatlar. 
Firibgarlikning 
predmeti 
mulkdan tashqari yuridik kategoriya sifatida 
o‘zganing mulkiga bo‘lgan huquq, mulkka bo‘lgan alohida vakolatlar 
(masalan, aybdor uyda yashash huquqini qo‘lga kiritishi mumkin) 
hisoblanadi. 
Bu huquqlar turli xil hujjatlarda, masalan, vasiyatnoma, sug‘urta polisi, 
muayyan boyliklarni olish uchun ishonchnoma, turli xil qimmatli 
qog‘ozlarda mustahkamlangan bo‘lishi mumkin. Nomi yozilgan qimmatli 
qog‘ozlarda tasdiqlangan mulkiy huquqlar talab qilinganda, talablar 
(tsessiya)ni qondirishning belgilangan tartibi asosida beriladi. Order 
bo‘yicha huquq, ya’ni shaxsga yoki uning topshirig‘iga ko‘ra ushbu hujjat 
bo‘yicha o‘zga shaxsga berilgan huquq xususidagi o‘tkazish yozuvi — 
indossament kiritilib, ijro amalga oshirilishi mumkin. Qimmatli qog‘ozda 
amalga oshirilayotgan indossament ushbu hujjat o‘tkazilayotgan shaxsga 
unga egalik qilishga bo‘lgan barcha huquqlarni o‘tkazadi. 
Talon-torojning predmeti va qimmatli qog‘ozlar xususida yuqorida 
batafsil tahlil qilindi.