Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Qonunchilik tomonidan muhofaza etiladigan tabiiy hududlar 
sifatida: 
suv muhofazasi mintaqalari (zonalari), rekreatsiya va sanitariya-
sog‘lomlashtirish mintaqalari, yuza va yer osti suvlari paydo bo‘ladigan 
mintaqalar (daryo vodiylari, ko‘tarish kanallari, tog‘oldi etaklari), nodir va 
qimmatbaho mineral konlari, maxsus muhofaza etiladigan tabiiy 
hududlarning qo‘riqlanadigan (bufer — old) zonalari, baliq xo‘jaligi 
mintaqalari, taqiqlangan o‘rmon mintaqalari, davlat tabiat yodgorliklari va 
tabiat bog‘lari, ayrim tabiiy obyektlar hamda majmualarni saqlab qolish, 
takror ko‘paytirish va tiklash uchun mo‘ljallangan hududlar, muhofaza 
etiladigan landshaftlar, ayrim tabiiy resurslarni boshqarish uchun 
mo‘ljallangan hududlar ko‘rsatilgan. Mahalliy davlat hokimiyati va 
boshqaruvi idoralarining qarorlari bilan alohida muhofaza etiladigan tabiiy 
hududlarning boshqa toifalari ham nazarda tutilishi mumkin. 
«Muhofaza etiladigan tabiiy hududlar davlat mulkidir va uning 
muhofazasidadir. 
Yer uchastkalari va boshqa tabiiy obyektlar xususiy buyurtma 
qo‘riqxonalar hamda tabiiy pitomniklar tashkil etish uchun yuridik va 
jismoniy shaxslarga foydalanishga berilishi mumkin» («Muhofaza 
etiladigan tabiiy hududlar to‘g‘risida»gi Qonunning 6-moddasi). 
Muhofaza etiladigan tabiiy hududlar va obyektlarga 
davlat 
qo‘riqxonalari, majmua (landshaft) buyurtma qo‘riqxonalari, tabiat 
bog‘lari, davlat tabiat yodgorliklari, ayrim tabiiy obyektlar va majmualarni 
saqlab qolish, takror ko‘paytirish va tiklash uchun mo‘ljallangan hududlar, 
muhofaza etiladigan landshaftlar, ayrim tabiiy resurslarni boshqarish 
uchun mo‘ljallangan hududlar, shuningdek, Xalqaro qizil kitobga hamda 
ҳудудлар тўғрисида»ги 871-ХП-сон Қонуни бекор қилинганлиги муносабати билан (Қаранг
:
Ўзбекистон 
Республикасининг 2004 йил 3 декабрдаги «Муҳофаза этиладиган табиий ҳудудлар тўғрисида»ги 710-II- сон 
Қонуни, 4-модда) ЖК 204-моддасида кўрсатиб ўтилган алоҳида муҳофаза этиладиган табиий ҳудудлар деганда, 
муҳофаза этиладиган табиий ҳудудлар тушунилиши лозим.
331 

---

O‘zbekiston Respublikasi Qizil kitobiga kiritilgan hayvon va o‘simliklar 
kiradi («Alohida muhofaza etiladigan hududlar to‘g‘risida»gi qonunning 
5-moddasi). 
Davlat qo‘riqxonalarining hududida har qanday faoliyat taqiqlanadi, 
ilmiy-tadqiqot faoliyati va atrof tabiiy muhit monitoringini yuritish bundan 
mustasno. Davlat qo‘riqxonalarida yong‘inga qarshi tadbirlar 
o‘tkazilishiga yo‘l qo‘yiladi. 
Davlat qo‘riqxonalari hududida hamda ularning qo‘riqlanma zonalarida 
tirik organizmlarning yangi va kenja turlarini iqlimlashtirish maqsadida 
joylashtirish taqiqlanadi. 
Davlat qo‘riqxonalarining yoki ular qaysi davlat organlarining 
tasarrufida bo‘lsa, shu davlat organlarining xodimi hisoblanmaydigan 
fuqarolarning davlat qo‘riqxonalari hududida bo‘lishiga ularda ana shu 
organlar yoki davlat qo‘riqxonasi ma’muriyati bergan ruxsatnoma bo‘lgan 
taqdirda yo‘l qo‘yiladi («Muhofaza etiladigan tabiiy hududlar 
to‘g‘risida»gi Qonunning 19-moddasi).