Maxsus qism iqtisodiyot sohasidagi jinoyatlar. Ekologiya sohasidagi jinoyatlar

ekologik 
normalarni buzish 
odamlarning ommaviy kasallanishi, hayvonlarning 
ommaviy o‘lishi, parrandalar yoki baliqlarning ommaviy qirilib ketishi 
yoxud boshqacha og‘ir ommaviy oqibatlar kelib chiqishiga sabab bo‘lgan 
taqdirda, mazkur jinoyatning tarkibi yuzaga keladi. 
Odamlarning ommaviy kasallanishi 
ko‘p sonli aholida zaharlanish, 
surunkali xastalikning paydo bo‘lishi, tanadagi biror a’zoning ishdan 
chiqishi (ko‘rish quvvatining, ichki sekretsiya bezlari faolligining 
pasayishi va hokazolar)da ifodalanadi. 
Boshqa og‘ir oqibatlar 
deganda, qayd etilgan moddalarni atmosferaga, 
suvga, yerga tashlash, ekinzorlar va hosilning nobud bo‘lishi, uzoq muddat 
316 

---

davomida ekiladigan maydonlar, ichimlik suvining zararlanishi va 
hokazolarni tushunish lozim. 
JK 201-moddasi 1-qismining dispozitsiyasida sanab o‘tilgan 
oqibatlardan loaqal bittasi ro‘y bergan paytdan e’tiboran jinoyat 
tugallangan 
hisoblanadi. 
Jinoyat 
subyektiv tomondan 
ehtiyotsizlik yoki aybning murakkab 
shakli (sodir qilinayotgan qilmishga nisbatan qasd hamda kelib chiqqan 
jinoiy oqibatga nisbatan ehtiyotsizlik) bilan sodir etiladi. 
Jinoyat 
subyekti 
har qanday 16 yoshga to‘lgan aqli raso shaxs, shu 
jumladan zararli kimyoviy moddalar bilan ishlash uchun mas’ul 
mansabdor shaxslar (korxona, laboratoriya, mehnatni muhofaza qilish va 
texnika xavfsizligi bo‘yicha rahbarlar va hokazolar) bo‘lishi mumkin. 
JK 201-moddasining 2-qismi 
odam o‘lishi tarzidagi og‘ir oqibatni 
nazarda tutadi, shu sababli og‘irroq javobgarlikni keltirib chiqaradi. 
10-§. Hayvonot yoki o‘simlik dunyosidan foydalanish 
tartibini buzish (JK 202-moddasi) 
Jinoyat 
bevosita obyekti
O‘zbekiston hududida tarqalgan hayvonot va 
o‘simliklar dunyosi muhofazasini, ular yashaydigan normal ekologik 
muhitni ta’minlash hamda bioresurslar va o‘simliklardan oqilona 
foydalanishni ta’minlash bo‘yicha, shuningdek, atrof tabiiy muhitning 
ajralmas qismi sifatida hayvonot va o‘simlik dunyosining irsiy fondini 
saqlash sharoitlarini yaratish bo‘yicha ijtimoiy munosabatlar hisoblanadi. 
Jinoyat 
predmeti
yovvoyi, uy hayvonlari, parrandalar, har qanday 
baliqlar va boshqa turdagi hayvonlar, shuningdek, dorivor, iste’molbop, 
manzarali o‘simliklar yovvoyi turlarining har qanday xillari hisoblanadi.