Maxsus qism iqtisodiyot sohasidagi jinoyatlar. Ekologiya sohasidagi jinoyatlar

obyektiv 
tomondan
bankning mansabdor shaxsi yoki xizmatchisi tomonidan, 
shunday harakatlar uchun 
ma’muriy jazo qo‘llanilganidan keyin
asossiz 
ravishda xo‘jalik yurituvchi subyektlarga yoki boshqa tashkilotlarga ish 
261 

---

haqi, pensiyalar, nafaqalar, stipendiyalar va ularga tenglashtirilgan boshqa 
to‘lovlarni to‘lash uchun pul mablag‘lari berish muddatlarini kechiktirish 
harakatlari orqali, ya’ni aybdorning shu harakatlarni sodir etmaslikka 
bo‘lgan qasdi bilan qamrab olingan harakatsizligi orqali sodir etishda 
ifodalanadi.
Pul mablag‘lari berishni 
asossiz ravishda kechiktirish
ostida ularning 
qabul qiluvchilari bo‘lgan Budjet korxonalari va tashkilotlarga mazkur 
mablag‘larning to‘lanishini to‘liq yoki qisman kechiktirish tushuniladi. 
Shuni ta’kidlash lozimki, Ish haqi, nafaqalar, stipendiyalar va ularga 
tenglashtirilgan o‘zga to‘lovlarni berish muddatlari jamoa shartnomalari, 
Hukumat qarorlari, vazirliklar farmoyishlari, Markaziy bank ko‘rsatmalari 
bilan belgilanadi. Shu bois, har bir aniq holatda pul mablag‘lari 
kechiktirilganligini aniqlash maqsadida mablag‘lar to‘lovi amalga 
oshirilishi lozim bo‘lgan muddatlarni bilish zarur.
Ta’kidlash lozimki, bank tomonidan tegishli pul summasining bir qismi 
avvalroq to‘langani yoki to‘lanmaganiga qarab, pul mablag‘larini berishni 
kechiktirish qisman yoki to‘liq bo‘lishi mumkin. Xususan, basharti, pul 
mablag‘lari berilishi lozim bo‘lgan summaning bir qismi ko‘rinishida 
berilgan bo‘lsa, qisman kechiktirish, agar kechiktirish to‘liq summaga 
taalluqli bo‘lsa, to‘liq kechiktirish sifatida e’tirof etiladi. Kechiktirish 
xarakteri qilmishning kvalifikatsiyasiga ta’sir etmaydi, biroq sud 
tomonidan jazoni tayinlashda hisobga olinishi mumkin. 
Pul mablag‘lari
deganda faqatgina O‘zbekiston Respublikasi 
banknotlari va tangalari shaklidagi naqd pul mablag‘lari tushuniladi. Naqd 
ko‘rinishga ega bo‘lmagan pul mablag‘larini amalga oshirishni 
kechiktirish, ya’ni naqd pulsiz mablag‘larni o‘tkazish, Budjet tashkiloti 
hisob raqamiga o‘tkazishni kechiktirish, hatto bank rahbari yoki 
mansabdor shaxsning aybli harakatlari natijasida vujudga kelsa ham, 
JKning ushbu moddasi bilan kvalifikatsiya qilinmaydi.