Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Saqlash 
deganda, sifatsiz yoki qalbakilashtirilgan dori vositalari yoki 
tibbiy buyumlarning maxsus mo‘ljallangan joyda (tayyor mahsulot ombori 
214 

---

va boshqalar) vaqtincha joylashtirilishiga qaratilgan aybdor shaxsning har 
qanday qasddan qilingan harakatlari tushunilishi lozim. 
Aksariyat hollarda, sifatsiz yoki qalbakilashtirilgan dori vositalari yoki 
tibbiy buyumlar dorixonalar muassasalarida saqlanadi. Qonunga ko‘ra, 
dorixona 
— dori vositalarini tayyorlash, qadoqlash, ularning sifatini 
nazorat qilish, shuningdek, davolash hamda kasallikning oldini olishga 
mo‘ljallangan dori vositalari, tibbiy buyumlar, sanitariya va gigiyena 
ashyolari, shifobaxsh oziq-ovqatlar, ma’danli suvlar, davolash-kosmetika 
mahsulotlarini xarid qilish, saqlash va sotishni amalga oshiruvchi tibbiyot 
muassasasi. 
Tashish 
— sifatsiz yoki qalbakilashtirilgan dori vositalari yoki tibbiy 
buyumlarni har qanday usulda bir joydan ikkinchi joyga (masalan, ishlab 
chiqaruvchi korxonadan dorixonaga) transportda tashishdir. 
Sifatsiz yoki qalbakilashtirilgan dori vositalari yoki tibbiy 
buyumlarni 
o‘tkazish 
ularni tovar bozoriga chiqarish yoki 
iste’molchilarga bevosita realizatsiya qilish (sotish) orqali amalga 
oshirilishi mumkin. 
Sifatsiz yoki qalbakilashtirilgan dori vositalari yoki tibbiy buyumlarni 
tovar bozoriga chiqarish ularning ishlab chiqaruvchi korxonalar tomonidan 
farmatsevtika faoliyati bilan shug‘ullanish huquqini beruvchi litsenziyaga 
ega bo‘lgan yuridik va jismoniy shaxslarga sotilishini nazarda tutadi. 
Ta’kidlash lozim, «Dori vositalari va farmatsevtika faoliyati to‘g‘risida»gi 
Qonunning 12-moddasiga muvofiq, ulgurji savdo korxonalari va 
tashkilotlari dori vositalarini va tibbiy buyumlarni ularni tayyorlash 
huquqini beruvchi litsenziyaga ega bo‘lgan ishlab chiqaruvchilardan, 
qonun hujjatlarida belgilangan tartibda ro‘yxatdan o‘tkazilgan dori-
darmonlarni yetkazib beruvchi boshqa ulgurji savdo korxonalari va 
tashkilotlardan, shuningdek, xorijiy firmalardan sotib olish huquqiga ega. 
Ko‘rsatilgan tovarlarni iste’molchilarga realizatsiya qilish ularning 
dorixona muassasalari, ulgurji yoki chakana savdo tashkilotlari orqali 
sotilishini yoki sotishga taklifni nazarda tutadi. Ta’kidlash lozimki, 
qonunning qat’iy ko‘rsatmasiga binoan, dori vositalari faqat dorixona 
muassasalari orqali sotiladi. Dorixonalar ishini boshqarish esa oliy 
215 

---

farmatsevtika ma’lumotiga ega shaxslargagina ruxsat etiladi.