Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Ishlarni bajarish 
o‘zida u yoki bu narsani ishlab chiqarish, qayta 
ishlash yoki ishlov berishdagi ijro faoliyatini namoyon qiladi. 
Xizmatlar ko‘rsatish 
— bu natijasi moddiy hayot narsa-buyumlari 
bo‘lmagan (kommunal va boshqa xizmatlar) aniq bir ishni bajarishga 
qaratilgan ijro faoliyatidir. 
JK 186-moddasi 1-qismida 
nazarda tutilgan jinoyat aybdor tomonidan 
qanday ijtimoiy xavfli oqibatlar kelib chiqishidan qat’i nazar, mazkur 
norma dispozitsiyasida qamrab olingan harakatlarning loaqal bittasining 
sodir etilishi bilan 
tugallangan 
hisoblanadi. 
Jinoyat 
subyektiv tomondan to‘g‘ri qasddan 
sodir etiladi. Aybdor 
iste’molchilarning hayoti yoki sog‘lig‘i xavfsizligi talablariga javob 
bermaydigan tovarlarni ishlab chiqarayotganligi, saqlayotganligi, 
tashiyotganligi yoxud o‘tkazayotganligini anglaydi, shunga o‘xshash 
xarakterdagi ishlarni bajaradi yoki shunga o‘xshash xarakterdagi 
xizmatlarni ko‘rsatadi hamda bu harakatlarni sodir etishni xohlaydi. 
Bunday hollarda, tahlil qilinayotgan modda bo‘yicha javobgarlik kelib 
chiqishi uchun iste’molchilarning hayoti yoki sog‘lig‘i xavfsizligi 
talablariga javob bermaydigan tovarlarni ishlab chiqarish, saqlash, tashish 
yoxud o‘tkazish, ishlar bajarish yoki xizmatlar ko‘rsatish 
o‘tkazish 
maqsadida 
(tovarlarni buyurtmaga asosan bozorga chiqarish yoki bevosita 
iste’molchilarga sotishda namoyon bo‘ladi) sodir etilgan bo‘lishi lozim. 
Mazkur maqsadning mavjud emasligi JKning 186-moddasi bilan 
195 

---

javobgarlikni istisno qiladi. 
Jinoyatning 
motivi 
turli bo‘lishi mumkin, lekin u jinoyatni kvalifikatsiya 
qilishga ta’sir qilmaydi. 
Jinoyatning 
subyekti 
iste’molchilarning hayoti yoki sog‘lig‘i xavfsizligi 
talablariga javob bermaydigan tovarlarni ishlab chiqarish, saqlash, tashish 
yoxud o‘tkazish, shuningdek, ishlar bajarish yoki xizmatlar ko‘rsatishga 
javobgar bo‘lgan 
16 yoshga
to‘lgan shaxslar, ya’ni sotuvchi, tayyorlovchi 
yoki ish (xizmat)ni bajaruvchi bo‘lishi mumkin. 
Iste’molchilarning hayoti yoki sog‘lig‘i xavfsizligi talablariga javob 
bermaydigan tovar (ish, xizmat)larni normativ hujjatlarini tasdiqlovchi 
yoki unga muvofiqlik sertifikatini bergan shaxs mazkur jinoyat 
ishtirokchisi va ish holatlariga ko‘ra JKning 205-moddasi (Hokimiyat yoki 
mansab vakolatini suiiste’mol qilish) yoxud JKning 206-moddasi 
(Hokimiyat yoki mansab vakolati doirasidan chetga chiqish) yoki JKning 
207-moddasi (Mansabga sovuqqonlik bilan qarash) bilan javobgar qilinishi 
mumkin.