Maxsus qism iqtisodiyot sohasidagi jinoyatlar. Ekologiya sohasidagi jinoyatlar

hukm adolatsiz
hisoblanadi.
Fuqarolik ishi yoki xo‘jalik nizosi bo‘yicha sudning hal qiluv qarori
da’vo asossiz qanoatlantirilganda, fuqarolik yoxud xo‘jalik ishi boshqacha 
tarzda noto‘g‘ri hal etilganda, shuningdek, fuqarolik-protsessual 
qonunchilik jiddiy ravishda buzilganda (masalan, tomonlarning teng 
huquqlilik prinsipi buzilganda) 
adolatsiz deb topiladi.
Ish ko‘rish jarayonida yuzaga keluvchi turli xil masalalar bo‘yicha 
birinchi instansiya sudining ajrimi ham adolatsiz bo‘lishi mumkin, 
masalan, ehtiyot chorasini o‘zgartirish, ishni to‘xtatish, kvalifikatsiyani 
o‘zgartirish, dalillarni ta’minlash choralarini o‘zgartirish haqida va 
hokazo.
Apellatsiya, kassatsiya va nazorat instansiyasi sudlarining ajrimi va 
qarorlari, masalan, ular tomonidan qonuniy hukm va qarorlar asossiz bekor 
qilinsa yoki o‘zgartirilsa yoxud aksincha, noqonuniy sud hujjatlari kuchida 
qoldirilganda adolatsizdir. Ma’muriy ishlar bo‘yicha sud qarori, masalan, 
sud vakolatlari doirasidan tashqari yo‘sinda chiqarilsa yoki ish yuritish tili 
haqidagi qoidalar buzilgan taqdirda, adolatsiz deb topiladi. 
Sud hujjatlarining adolatsizligi ishning mohiyatiga ko‘ra hal qilishga 
ta’sir etuvchi moddiy yoki protsessual qonunning miqdoriy buzilishi bilan 
izohlanadi. Ishni mazmunan to‘g‘ri hal qilishga ta’sir etmaydigan hamda 
fuqarolarning huquq va qonuniy manfaatlarini va jamiyat manfaatlarini 
buzmaydigan kam ahamiyatli (rasmiy) buzilishlar jinoiy qilmish deb tan 
olinishi mumkin emas. 
Jinoyat aktiv harakatlar orqali sodir etiladi. Sanab o‘tilgan huquqni 
qo‘llashga daxldor bo‘lgan hujjatlar sudya (sudyalar, shu jumladan 
ularning toifasiga kiradigan maslahatchilari) tomonidan tayyorlanadi. 
Bunday aktning sudya (sudyalar) tomonidan imzolanishi paytida jinoyat 
tugallangan 
hisoblanadi. Ular imzolangunga qadar faqat ana shu jinoyatni 
sodir etishga suiqasd qilish haqida gapirish mumkin. Jinoyatning 
478 

---

tugallanganligini aniqlashda adolatsiz hujjat qonuniy kuchga kirganligi 
fakti ahamiyatga ega emas.