Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Taqiqlangan jamoat birlashmalari va (yoki) diniy tashkilotlar 
faoliyatini kayta tiklash 
deganda, sud tartibida taqiqlangan jamoat 
birlashmalari yoki diniy tashkilotlar faoliyatini davom ettirish harakatlarini 
sodir etish tushuniladi. Bu harakatlar birlashma faoliyatini moliyalashni 
davom ettirish, uning a’zolarini yig‘ish, shuningdek, boshqa har qanday 
faoliyat: uning faoliyatini targ‘ib, tashviq qilish, mablag‘larni yig‘ish va 
yangi dasturlar ishlab chiqish, tugatilgan jamoat birlashmalari yoki diniy 
tashkilotlar nomidan taqiqlangan faoliyatlarni davom ettirishga tashviq 
qilish va shu kabilar tushuniladi. 
Taqiqlangan jamoat birlashmasi yoki diniy tashkilot faoliyatini qayta 
tiklash faqatgina sudning tugatilgan va taqiqlangan faoliyatni tiklash 
to‘g‘risidagi qarori va ushbu hujjatning qonuniy kuchga kirishi asosida 
sodir bo‘ladi. 
G‘ayriqonuniy tashkilotlar faoliyatida faol ishtirok etish deganda, 
g‘ayriqonuniy tashkilotlar faoliyatida har qanday xatti-harakatlar bilan 
qatnashish, jamoat birlashmalari va diniy tashkilotlar tugatilganligi 
haqidagi qaror bo‘lishiga qaramay, uning harakatlarini qo‘llab-
quvvatlashga qaratilgan, shuningdek, boshqa faoliyat, bu tashkilotlarning 
noqonuniy faoliyatlarini amalga oshirishga yordam beruvchi xatti-
harakatlar tushuniladi. Faol ishtirok etish sifatida bunday birlashma 
(tashkilot)larning turli xil faoliyatlarini bajaruvchi, uning maqsadidan kelib 
chiquvchi va erishish vositalari o‘laroq, turli harakatlarni bajarish: 
vazifalarni taqsimlash, ichki boshqaruvni amalga oshirish va boshqalarga 
rahbarlik qilish muhim o‘rin tutadi. Bundan tashqari, fuqarolarni fuqarolik 
385 

---

burchlarini bajarmaslikka chaqiruvchi, bunday tashkilotlar tarkibida 
doimiy vazifalarni bajaruvchi va shu kabi boshqa harakatlarini amalga 
oshirishini faol ishtirok etish deb e’tirof etish lozim. 
Jinoyat taqiqlangan jamoat birlashmasi yoki diniy tashkilot tuzish yoki 
faoliyatini qayta tiklash, ularning faoliyatida faol qatnashish harakatlari 
sodir etilgan vaqtdan boshlab