Maxsus adabiyot

17-20-mavzu. Mirmuhsin. “Temur Malik” romanidan parcha (4 soat)
Mirmuhsinning nasriy asarlari haqida qisqacha ma'lumot. Yozyvchining tarixiy romanlari. “Temur Malik” romani haqida. Romanning yaratilish tarixi. Romanning asosiy g‘oyasi va mavzusi. Romanda XIII asr voqealarining tasvirlanganligi. Mo‘g‘ullar bosqiniga qarshi kurash. Asardagi timsollar. Temur Malik timsoli.


21-23-mavzu. O‘lmas Umarbekov. “Charos”, “Sovg‘a”, “Hayot qo‘shig‘i” hikoyalari (3 soat).
O‘lmas Umarbekovning hikoyalari haqida ma'lumot. “Charos” hikoyasining bolalik xotiralari bilan bog‘liqligi. Unda saxiylik, himmat va mehrning abadiyatga daxldorlik tasvirlarining yoritilganligi. “Sovg‘a”da mehr-oqibat, o‘zbek onasining samimiy xarakter xususiyatlarining ifodalanganligi. “Hayot qo‘shig‘i”da insonning irodasi, sabr-matonati, bir-biriga mehrli munosabatining tasvirlanishi. Hikoyalarda adibning timsol yaratish mahorati. Yozuvchining obrazlar xarakterini yoritishda badiiy tasvir vositalaridan foydalanish tamoyillari.