Maxsus adabiyot

51-53-mavzu. To‘ra Sulaymon. She’rlar, maqolalar (3 soat).
To‘ra Sulaymon ijodida folklor va folklorizm. Shoirning “Umr o‘tmoqdadir daryo misoli” she’ri talqini. Shoirning yoshlar haqidagi tilak va umidlari; “Sohibi davronimsan” she’ri tahlili.
To‘ra Sulaymon – o‘zbek tilining chinakam jonkuyari va bilimdoni. “Til – o‘zagimizning, o‘zligimizning, o‘ziga bekligimizning bosh belgisi” maqolasi.
To‘ra Sulaymonning ustoz Mirtemir haqidagi xotira va esselari. “Yorug‘lik shaydosi, ravza shaydosi” essesida ustoz – shogird munosabati.


54-58-mavzu. Shukur Xolmirzayev. “Taqdir bashorati” essesi, “Qora kamar” dramasi (5 soat).
Esse – Shukur Xolmirzayev ijodining alohida bosqichi sifatida. Esse janrining o‘ziga xos xususiyatlari. Adib ijodida esse janrining maydonga kelish zarurati. Zamondosh ziyolilar Shukur Xolmirzayev esselarining asosiy qahramonlari sifatida. “Taqdir bashorati” essesida ulkan san’atkor Shukur Burhon hayotining o‘ziga xos tarzda bayon qilinishi. Esseda hayot haqiqati bilan badiiy to‘qimaning uyg‘unlashuvi. Esse - nisbatan erkin ijod turi. Shukur Xolmirzayevning dramaturg sifatidagi ijodi. “Qora kamar” dramasida shaxslar fojeasining ko‘rsatilishi, dramadagi obrazlar tavsifi. Shukur Xolmirzayev ijodining boshqa qirralari.

59-62 – mavzu. Shavkat Rahmon. She’rlar (4 soat).

Shoir Shavkat Rahmonning hayot va ijod yo‘li. XX asr 80-yillar sheriyatidagi ijtimoiy mavzuning faollashuvi va Sh.Rahmon avlodi vakillari: Usmon Azim, Halima Xudoyberdieva, Xurshid Davron, Yo‘ldosh Eshbek, Tilak Jo‘ralar ijodida bu mavzuning kuylanishi. Shoir she’rlari va xalq rivoyatlari hamda naqllari asosida yaratilgan balladalarining semantik va struktual yangiliklari. Shoirning she’riy shakl va obrazlash jarayonidagi yangiliklari.