Мавзунинг руҳлантирувчи таснифи

Талабалар мустақил иши тузилиши
1. Тамаки таъсири морфологиясини “Чекишда бронх эпителийси метаплазияси” микропрепарати мисолида ўрганиш.
2. Алкоголь таъсирини «Ёғли гепатоз», «Алкоголли жигар циррози» макропрепаратлари ва «Ёғли гепатоз», «Гепатоцитларда алкоголли гиалин», «Жигар алкоголли циррози» микропрепаратлари мисолида ўрганиш.
3. Радиоактив зарарланишдаги морфологик ўзгаришларни «Қалқонсимон без саратони» макропрепарати мисолида ўрганиш.
4. “Юракнинг оддий ёғ босиши” макропрепарати мисолида семириш морфологиясини ўрганиш.


Ўрганиладиган препаратлар қисқача таснифи.
Микропрепаратлар

	Чекиш таъсирида бронх эпителийси метаплазияси (гематоксилин ва эозин билан бўялган). Бронх деворида призматик эпителийнинг кўп қаватли эпителийга ўтиши метаплазияси ўчиоқлари бор. Эпителиал тўқимада бокалсимон ҳужайралар сони ҳам кўпайган, киприкчалар киприксимон ҳужайралар десквамацияси. Остидаги тўқимада гиперемия, стаз, ўчоқли яллиғланишли лимфогистиоцитар инфильтрация кўринади.
	Ёғли гепатоз (гематоксилин ва эозин билан бўялган). Гепатоцитларда ядрони ҳужайра четига сурувчи ёғ вакуоллари кузатилади.
	Гепатоцитларда алкогол гиалини (гематоксилин ва эозин билан бўялган). Маллори таначаси (алкогол гиалини, кўрсаткич).
	Жигар алкоголли циррози. Жигарнинг гематоксилин ва эозин билан бўялган жойи. Жигарнинг бўлакчали тузилиши бузилган, портал йўллар склерози, порто портал ва порто марказий тўсинлар бўлакларни фрагментларга бўлган (турли катталик ва шаклдаги сохта бўлаклар, кўпларида марказий веналар йўқ), стромасида лимфомакрофагал инфильтрация, жойларда чегара пластинкасидан бўлакларга ўтади, гепатоцитлар ёғли ва оқсил (гидропик) дистрофиясида, баъзилари йирик, икки ядроли (регенерация белгилари); портал трактлардаги ўт йўллари пролиферацияси.