Мавзуни назарий асослаш ва адабиётлар шарҳи. Хулоса. Фойдаланган адабиётлар рўйхати

Местецкая (2012) ўз мақоласида давлат бюджетидан маблағ билан таъминланувчи ташкилот ва муассасалар бюджет ижроси давомида молиявий назорат тизимини ҳужжатлар билан расмийлаштирилган тартибда олиб бориш кераклигини айтган. Унинг фикрича, расмийлаштириш ўз ичига назоратнинг принциплари ва иш тартибини ҳамда ҳужжатлаштириш талабларини қамраб олиши керак. Муаллифнинг хулосасига кўра, ички назоратнинг методлари яхлит назоратни талабларини фақатгина бир қисмини қондира олади холос. Шунинг учун мавжуд молиявий назорат фаолиятини такомиллаштиришни, илғор хорижий тажрибани мамлакатга жорий этишни ҳамда янги метод яратиш кераклигини келтириб ўтган.
Гвызин ва Кузина (2013) ўзларининг мақолаларида Россия Федерациясининг бюджет соҳасида улкан ўзгаришлар содир бўлаётгани хақида ёзишган. Шу жумладан, бюджет маблағлари устидан мустақил назоратга ҳам шарт-шароитлар яратилмоқда. Уларнинг фикрича, юқори турувчи органларнинг қайта-қайта текширувлари ҳар доим ҳам самара беравермайди. Муаллифларнинг хулосасига кўра, ҳозирги кунда айнан Федерал Ғазначилик бюджет маблағларининг ишончли сарфланишини таъминлаб турибди. Бу жараёнга Россия Ғазначилиги мавжуд технологияларни узлуксиз такомиллаштириш орқали кенг доирадаги экспертлар уюшмасини жалб қилган.
Гусаева (2014) мақоласида иқтисодиётининг ҳажми жихатидан ривожланган мамлакатлар сифатида ва иқтисодиётни бошқариш тизимининг ривожланиш даражаси жихатидан юксак бўлган Япония ва АҚШ давлат молиявий назорати тизими ривожланишидаги асосий омиллари ва замонавий тенденцияларига таъриф берилади. Замонавий босқичда давлат молиявий назорати олдидаги вазифа ва давлат молиявий назорати тизими олдида турган вазифаларнинг сабаб-натижа борасида боғлиқлиги ёритилади.
Курмаева (2014) ўз мақоласида молиявий назоратнинг асосий тамойилларига умумий тавсиф беради ва мақола якунида кўрсатилган тамойиллардан келиб чиқиб, ўзининг шахсий таклифини киритиб ўтади. Мақола муаллифи қонунийлик, мустақиллик, ошкоралик, объективлик тамойилларига маъсуллик, мувозанатлилик, тизимлилик ҳамда инсон факторисиз ёндашув тамойилини қўшимча тарзда келтириб ўтади.
Давлат томонидан олиб бориладиган молиявий назорат бўйича барча тартиб-қоидалар, буйруқ ва низомлар, тамойил ҳамда услублар юқоридаги молиявий назоратнинг шаклланиш босқичлари орқали шакллантирилиб, мамлакатлар ҳамда давлатларнинг ўзига хос жиҳатлари асосида ривожланиб борган.