Mavzular ro`yxati

Folgard usuli argentometriya usullaridan biri bo`lib, bu usul AgSCN hosil bo`lish reaksiyaga asoslangan:
Ag⁺ + SCN^– = AgSCN↓
Bu usulda KSCN yoki (NH₄)₂SCN eritmalari ishchi eritma bo`lib, Folgard usuli teskari titrlashga misol bo`ladi. Demak, bu usulda ikkinchi ishchi eritma titrlangan AgNO₃ eritmasi bor. Shuning uchun Folgard usuli ham argentometriya, ham rodanometriya usuli deb ataladi.
Folgard usuli bo`yicha xlorid, bromid yoki yodidlar quyidagicha aniqlanadi. Aniqlanayotgan eritmaga byuretkadan AgNO<sub>3</sub> ning aniq o`lchangan hajmda titrlangan eritmasi solinadi; bu miqdor Cl^– (Br^– yoki J^–) ionlarining hammasini to`liq cho`ktirishga keragidan ortiq bo`lishi kerak.
Kumushning ortiqcha eritmasini KSCN yoki (NH<sub>4</sub>)<sub>2</sub>SCN eritmasi bilan titrlanadi. Bu holda (NH<sub>4</sub>)<sub>2</sub>Fe(SO<sub>4</sub>)<sub>2</sub>•12H<sub>2</sub>O eritmasi indikator bo`lib xizmat qiladi. Hali eritmada kumush ionlari bor ekan, qo`shilayotgan SCN<sup>–</sup> ular bilan oq cho`kma AgSCN hosil qilib reaksiyaga kirishadi. Ag⁺ va SCN^– ionlari bilan reaksiya tugashi bilan ishchi eritmaning keyingi tomchisi indikator bilan reaksiyaga kirishadi. Hosil bo`ladigan tuz eritmani qizil rangga bo`yaydi.
Fe³⁺ + 3SCN^– = Fe(SCN)₃
Folgard usuli bo`yicha titrlashda quyidagi shartlarga rioya qilinishi kerak:
a) kumush tuzi rodanid bilan titrlanishi kerak, teskarisi emas;
b) aniqlash kislotali muhitda bajariladi;
c) aniqlash simob tuzlari va kuchli oksidlovchilar bo`lmagan vaqtda bajariladi.
Folgard usuli klinik tekshirish usullarida qon tarkibidagi xloridlarni aniqlashda ishlatiladi.