Mavzular. Dasturiy ta’minot turlari. Operatsion tizimlar va ularning turlari. Kompyuter va mobil qurilmalarning operatsion tizimlari Ma’ruza rejasi

Kiritish-chiqarish sistemasi (BIOS) yordamida axborotni kiritish va chiqarish amallari bajariladi. Operatsion sistemani yo`qlovchi dastur (IPL) DOS ni kompyuter tezkor xotirasiga yo`qlaydi. IO.SYS va MSDOS.SYS dasturlari yordamida murakkab (disk yurituvchi bilan bog‘liq) kiritish-chiqarish amallarini bajaradi. Buyruq protsessori COMMAND.COM DOS ishini boshqarish uchun xizmat qiladi. DOS tashqi buyruqlari alohida-alohida fayllar ko‘rinishida bo‘lib, DOS ning qo‘shimcha amallarini bajaradi. qurilmalar drayverlari (dasturlari) kompyuter va uning tashqi qurilmalari o‘rtasidagi muloqotni o‘rnatadi.

Katalog (direktoriya) bir xil tipdagi yoki bir xil ish bajaruvchi fayllarni birlashtiruvchi maxsus joy. Diskda bir necha katalog mavjud bo‘lishi va xatto biror katalogning ichida boshqa bir katalog yoki kataloglar joylashishi mumkin. Bunday kataloglar qism kataloglar deyiladi. qism katalog joylashgan katalog qism katalogning ona katalogi deyiladi. Xar bir qism katalog xam o‘z navbatida ichiga joylashtirilgan o‘zining qism katalogiga ega bo‘lishi, yani qism katalogining ona katalogi bo‘lishi mumkin. Ammo xar qanday katalog bir vaqtda ikki katalogga ichki qism katalog bo‘la olmaydi.

Kataloglarni nomlashda xam lotin xarflari, raqamlar va fayl nomi uchun qayd etilgan belgilardan foydalanish mumkin.

Bir katalogning ikki qism kataloglari bir xil nomlanishi mumkin emas. Odatda kataloglarni nomlashda kengaytmalardan foydalanilmaydi. Foydalanuvchi ish olib borayotgan katalog ishchi yoki joriy katalog deb nomlanadi. Maxsus buyruq bo‘lmasa, MS DOS joriy katalog fayllari bilangina ish olib boradi. Buyruqlar satridan katalog nomini kiritish bilan joriy katalogni o‘zgartirish mumkin.