Мавзу: Зичлик ва қовушқоқликни ўлчаш тизимлари. Режа

Қалқовичли ёки ареометрик зичлик ўлчагичлар Архимед қонунига асосланиб ишлаб чиқилган бўлиб, суюқликка солинган ареометр итариб чиққан суюқлик массаси ареометр массасига тенг. Бундай ўлчаш асбоблари зичликни кўрсатиш диапазони бўйича 0,2-2 % гача хатоликка эга бўлади.
Вазнли зичлик ўлчагичлар суюқликнинг маълум ҳажмини доимий равишда тортиб туришга асосланган бўлиб, 0,5-1 % хатоликка эга.


Гидростатик зичлик ўлчагичлар ўзгармас баландликдаги суюқлик устуни ҳосил қилдаётган босимни ўлчашга асосланган бўлиб, хатолиги 4%.
Радиоизотопли зичлик ўлчагичларнинг ишлаш принципи суюқлик қатламига берилган нурланиш дастасини ютилиши натижасида кучсизланишини аниқлашга асосланган, хатолиг 2%.
Вибрацион зичлик ўлчагичлар суюқликларда қўзғатилган тебранишларнинг резонанс частоталари суюқликнинг зичлигига боғлиқлигига асосланиб ишлайди, хатолиги (1–2) х10^-4 г/см³ ни ташкил этади.
Ультратовушли зичлик ўлчагичлар муҳитлардаги товуш тезлиги муҳитлар зичликларига боғлиқлигига асосланган, бундай асбобларнинг хатолиги тахминан 5%.
Лаборатория зичлик ўлчагичлари моддаларнинг нисбий зичлигини дастакли тарзда даврий ўлчаш учун ишлатилади. Асосан уларга аэрометрлар, пикнометрлар ва гидростатик тарозилар киради.
Ареометрлар ўзгармас массали ва ўзгармас ҳажмли турларга фарқланади. Ўзгармас массали ареомаетрлар зичлик шкаласи, термометр билан боғлаб турувчи балластдан ташкил топади. Ўзгармас ҳамжлиларида белги ва тош тарелкасини улаб турувчи балласт бўлади.
- Денсиметрлар ўзгармас массали ареометрлар бўлиб, зичлик бирликларида даражаланади.
- шунингдек, ушбу гуруҳга эритмалар концентрациясини аниқловчи асбоблар ҳам киради, фақат уларнинг шкалалари ҳажм ёки масса бўйича фоизларда даражаланади. Бундай асбоблар лактометр (сутнинг ёғлилик даражасини ўлчайди), спиртомер (сувдаги спирт миқдорини ўлчайди), сахарометр (сироплардаги шакар миқдорини аниқлайди).