Мавзу: Ўзбекистонда туризмни ривожлантириш истиқболлари мундарижа кириш

ХУЛОСА.................………………….………………….……………..................
ФОЙДАЛАНИЛГАН АДАБИЁТЛАР РЎЙХАТИ….................…….............


КИРИШ
Диссертация мавзусининг долзарблиги ва зарурияти.
Ўзбекистон Республикаси Президенти Ш.М. Мирзиёев томонидан 2020 йилда амалга оширилган асосий ишлар якуни ва Ўзбекистон Республикасини 2021 йилда ижтимоий-иқтисодий ривожлантиришнинг энг устувор йўналишларига бағишланган мамлакатимиз парламенти – Олий Мажлисига Мурожаатномаларида: «Туризмни ривожлантириш бўйича 2021 йилда ҳам изчил ислоҳотларни давом эттирамиз.» – деб таъкидлашлари, ушбу муаммони муҳим ижтимоий – иқтисодий аҳамиятга эга эканлигини белгилаб беради¹.
Таъкидлаш жоизки, кейинги йилларда мамлакатда аҳоли сонининг кескин ортиб бориши, қишлоқ хўжалиги ва саноатнинг жадал ривожи, автотранспорт воситаларининг кўпайиши атроф-муҳитга сезиларли даражада салбий таъсир кўрсатмоқда. Буларнинг оқибатларини камайтириш учун эса табиий ресурслардан оқилона фойдаланиш ҳамда уларни қайта тиклаш бўйича ҳар томонлама пухта ўрганилган тизимли чора-тадбирларни амалга ошириш зарур. Шу боис, экологик хавфсизликни таъминловчи комплекс чораларни қабул қилиш йўли билан атроф-муҳитга кўрсатилаётган антропоген таъсирни имкон қадар камайтириш мақсадида минтақаларда туризмни жадал ривожлантириш омилларини аниқлаш, механизмлари ва стратегияларини ишлаб чиқиш муҳим аҳамиятга эгадир. Шунингдек, экологик муаммолар ва уларни бартараф этишнинг самарали йўлларини излаб топиш бугунги кунда жаҳон ҳамжамиятининг диққат марказида турган энг устувор ва долзарб масалалардан бири бўлиб қолмоқда.
Ўзбекистон Республикаси Президентининг 2016 йил 2 декабрдаги ПФ-4861-сон “Ўзбекистон Республикасининг туризм соҳасини жадал ривожлантиришни таьминлаш чора-тадбирлари тўғрисида”ги ва 2018 йил 3 февралдаги ПФ-5326-сон “Ўзбекистон Республикаси туризм салоҳиятини ривожлантириш учун қулай шароитлар яратиш бўйича қўшимча ташкилий чора-тадбирлар тўғрисида”ги ва 2019 йил 5 январдаги “2019-2025 йилларда Ўзбекистон Республикасида туризм соҳасини ривожлантириш концепцияси” тўғрисидаги Фармони, 2019 йил 13 августда қабул қилинган “Ўзбекистон Республикасида туризм сохасини янада ривожлантириш чора-тадбирлари тўғрисида”ги Президент Фармони, 2018 йил 6 февралдаги ПҚ-3509-сон “Кириш туризмини ривожлантириш чора-тадбирлари тўғрисида”ги Қарори, 2018 йил 7 февралдаги ПҚ-3514-сон “Ички туризмни жадал ривожлантиришни таъминлаш чора-тадбирлари тўғрисида”ги Қарорининг қабул қилиниши мазкур фаолиятга тегишли бошқа меьёрий-ҳуқуқий ҳужжатларда белгиланган вазифаларни амалга оширишга ва аҳоли ўртасида ишсизликни камайтириш, махаллий аҳоли ва оилаларнинг даромадини оширишда ушбу диссертация тадқиқоти муайян даражада хизмат қилади.