Мавзу: Ўзбекистонда банк аудитини ривожлантириш

Диссертацион ишида тадқиқ объекти сифатида Ўзбекистон Республикаси тижорат банклари майдонга чиқади.
Диссертация ишининг предметини республикамизда банк аудитини ривожланиши ва уни такомиллаштиришни ёритиш ташкил этади.
Диссертацион тадқиқотнинг методологик асослари бўлиб, Ўзбекистон Республикаси Президенти академик И.А.Каримов асарларида илгари сурилган иқтисодиётни ислоҳ қилиш ва эркинлаштириш бўйича назарий қарашлари ва Фармонлари, Ўзбекистон Республикаси Олий Мажлис томонидан қабул қилинган қонунлар, Ўзбекистон Республикаси Вазирлар Маҳкамасининг қарорлари ҳамда республика Марказий банкининг меъёрий-хуқуқий ҳужжатлари, классик иқтисодчиларнинг, ҳозирги хорижлик ва ўзбекистонлик иқтисодчи-олимларнинг банк иши таҳлилига оид илмий-услубий ёндошувлари, амалий тажриба ва хулосалари ҳисобланади.
Шунингдек, диссертация ишида воқеа ва ҳодисаларни илмий билишнинг диалектик усулларидан, хусусан иқтисодий таҳлилнинг таққослаш, гуруҳлаш, қиёсий таҳлил, таркибий ва миқдорий таҳлил усулларидан фойдаланилган.
Ишнинг илмий янгилиги янада аниқроқ тарзда қуйидагиларда намоён бўлади:

• 
  Республикамизда банк аудитини ривожлантириш билан боғлиқ муаммолар ва уларни ечимлари ишлаб чиқилади;
  
• 
  тижорат банкининг кредит операцияларини аудит қилишда учрайдиган муаммолар ва уларни ечимлари аниқланади;
  
• 
  тижорат банкларини CAMEL тизими бўйича баҳолаш масалалари назарий ва амалий жиҳатдан асослаб берилган.
  

Диссертацион тадқиқотнинг асосий ғоялари тижорат банклари фаолиятини тартибга солиш юзасидан, Ҳукумат Дастурларини ишлаб чиқишда, Марказий банк йўриқномалари ва давлатнинг қонуний ҳужжатларини ишлаб чиқишда эътиборга олиниши мумкин.
Магистрлик дассертациясининг таркиби. Диссертация иши — кириш қисми, уч асосий боб, хулоса ва фойдаланилган адабиётлар рўйхатидан иборат.

I боб. Бозор иқтисодиёти шароитида банк аудити,

унинг усуллари ва турлари